![](/web/cache/scene/uploads/fotos/foto/08c/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/65c5fe0d82-img-20240209-wa0012.jpg)
© Concello de Cuntis
"Un show moi guapo" para amenizar a Festa do Lacón con Grelos en Cuntis
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A festa senlleira do municipio de Cuntis contará de novo coa charanga Los Támega para amenizar a cita gastronómica do lacón con grelos que se celebrará o próximo 3 de marzo.
A charanga verinesa xa participou o pasado 2023 nesta mesma convocatoria e dada a animación conseguida, facendo bailar e cantar ao público asistente, repetirán de novo este ano.
Jorge Porto Diéguez, vogal da asociación que xestiona a charanga, sinala que "sempre estreamos algo, así que esta vez traemos un show moi guapo" para amenizar a Festa do Lacón con Grelos nesta vila termal.
A festa chega o seu vixésimoquinto aniversario e con tal motivo o programa previsto arrincará xa o venres 1 de marzo.
O pregón correrá a cargo de Pepo Suevos, que será o domingo ás 12.00 horas na Praza da Constitución. Previamente, entre o 23 e o 25 de febreiro terá lugar outra edición do TapaLacón que coincidirá cos últimos días do entroido en Cuntis.