Sanxenxo amosa en Fitur as súas bazas para ofrecer "365 días diferentes"
Por Redacción
Seguir crecendo en tempada baixa como destino turístico é o obxectivo co que Sanxenxo acode este ano a Fitur, a feira internacional de turismo que se está celebrando en Madrid.
Faino, por cuarto ano consecutivo, cun mostrador propio dentro da caseta de Turismo de Galicia desde onde se reparte o material promocional de destino e dáse a coñecer as bazas do municipio para atraer aos visitantes durante os 365 días do ano.
A fotografía da praia de Canelas na que se aprecia o areal no seu estado natural e a beleza da ría de Pontevedra é a imaxe que preside a caseta de Sanxenxo nesta edición.
Alí entréganse aos público folletos promocionais do destino sobre praias, patrimonio, paisaxes e náutica, xunto ao novo rueiro pregable co código QR á web turística de Sanxenxo.
Á entrada do pavillón, dous tótems serven de escaparate para mostrar a variada oferta de Sanxenxo baixo o slogan "Sanxenxo 365 días diferentes".
Nas imaxes pódese ver o roteiro de sendeirismo de Dorrón, que evoca a paisaxe verde; unha parella de flamencos na lagoa de Rouxique en Vilalonga, como potencia do turismo ornitolóxico; dous pescadores entre Punta Corveiro e Punta Faxilda, mostrando as posibilidades deportivas e paisaxísticas; ou unha muller nun spa, en materia de turismo de saúde e benestar
Ademais, aparecen aparellos no porto de Portonovo, que reflicten a riqueza gastronómica e a actividade pesqueira; a regata do campionato de Europa da clase 6 metros, como símbolo dos deportes náuticos; vistas do Paseo de Silgar iluminado, como referente comercial;e a capela da Lanzada, icona do patrimonio de Sanxenxo.
Para presentar os atractivos de Sanxenxo, viaxaron a Fitur a primeira tenente alcalde de Sanxenxo, María Deza, xunto ao concelleiro de Turismo, Juan Deza, que mantiveron unha intensa mañá de traballo con distintas reunións co sector.
Relacionadas:
-
Seis novos arenais sumaranse en Sanxenxo ás "praias sen fume"
Por Redacción |
-
O 2023 foi "un ano de récord" para Sanxenxo, segundo a empresa Civitatis
Por Redacción |
-
Moverán case 10.000 metros cúbicos de area en Silgar para neutralizar os efectos dos temporais
Por Redacción |
-
Sanxenxo recibiu 758.508 viaxeiros que sumaron un total de 3.820.335 pernoitas en 2023
Por Redacción |
-
Entrega dos diplomas 'Q de Calidade' a Sanxenxo e ás oficinas turísticas da Deputación
Por Redacción |
-
Cuntis promociona o seu potencial turístico en Fitur
Por Redacción |
-
A provincia promociona en Fitur o té de camelia e a Ruta de Taverneiro
Por Oskar Viéitez |
-
A auga das Rías Baixas inunda Fitur para "empapar" os futuros visitantes
Por Redacción |
-
Sanxenxo mostrará en Fitur que ten atractivo turístico os 365 días do ano
Por Redacción |