O Sergas mantén que a praza de pediatría de Cuntis "dirimirase en breve"
Por Redacción
Responsables do Concello de Cuntis co alcalde Manuel Campos á cabeza xunto aos portavoces do resto de grupos municipais da corporación, Isabel Couselo e Natalia Camiña, mantiveron unha reunión telemática co xerente da área Sanitaria de Pontevedra e O Salnés, José Flores.
O motivo do mesmo era analizar a situación actual da atención sanitaria no municipio.
Como punto principal de atención aparecía a situación contractual dos profesionais que prestan servizo no centro de saúde de Cuntis, con especial interese na praza de pediatría necesaria para restablecer a correcta atención da poboación.
Neste sentido o xerente insistiu que a praza pediátrica "dirimirase en breve procedente da OPE por concurso de méritos".
Ademais a reunión serviu para analizar a situación do Punto de Atención Continuada (PAC) de Caldas de Reis, servizo de urxencias ao que deben acudir en caso necesario os veciños de Cuntis. En relación ao PAC, José Flores mantivo que se completará o persoal do centro con cinco médicos durante o actual mes de xaneiro.
Relacionadas:
-
O BNG de Cuntis culpa á "incompetencia e desleixo da Xunta" da "situación límite" no centro de saúde
Por Redacción |
-
Concentración ás portas do Hospital Provincial para entregar carbón ao xerente da Área Sanitaria
Por Oskar Viéitez |
-
Rebelión en Cuntis pola "nefasta" situación sanitaria: sen médico estes días e sen cita ata o 10 de xaneiro
Por Natalia Puga |
-
Nova xornada sen médicos no centro de saúde de Cuntis
Por Redacción |
-
O Sergas incluirá o servizo de pediatría de Moraña e Cuntis na convocatoria de prazas de difícil cobertura
Por Redacción |