Deteñen dous gardas civís do Grove e Cambados acusados de actuar como 'sopróns' para narcos
Por Redacción
A Garda Civil detivo este martes a dous dos seus axentes, destinados nos cuarteis de O Grove e Cambados, pola súa suposta vinculación cunha rede de distribución e venda de drogas.
Os dous compoñentes do instituto armado detidos supostamente terían facilitado información ao líder dun grupo de narcotraficantes asentado na provincia e que se dedicaba á venda e distribución de droga a pequena e mediana escala.
Segundo informa a Comandancia de Pontevedra, dita información tería servido para que os narcotraficantes puidesen eludir diferentes controis policiais. Ademais, eles mesmos participarían, ademais, nalgunhas actividades ilícitas relacionadas co tráfico de influencias e o tráfico de drogas.
As investigacións que concluíron coa detención destes dous gardas civís iniciáronse o pasado mes de decembro, a raíz da detención de nove persoas que integraban este entramado delituoso. Foi na chamada 'Operación Salamina'.
Os dous axentes detidos pasarán a disposición xudicial este mércores no Xulgado de Instrución número 3 do Porriño, encargado desta investigación.