O ano 2022 estivo cheo de fitos históricos para boa parte do tecido deportivo da Boa Vila. Tres dos principais clubs da cidade gozaron dun ascenso de categoría, mentres que outra entidade emblemática da capital viviu por primeira vez un descenso ás categorías rexionais do balonmán español.
Ao longo deste ano que toca ao seu fin, Pontevedra seguiu posicionándose como unha referencia á hora de organizar grandes eventos. Foi o caso dos mundiais de categoría júnior e sub 23 de loitas que acolleu o pavillón Municipal. Ademais, a capital das Rías Baixas viaxou a Abu Dhabi para recoller a testemuña da final das Series Mundiais de tríatlon que se celebrarán en Pontevedra no 2023.
A familia granate había sufrido unha profunda decepción no ano 2021, cando o seu equipo, pensado para aspirar os obxectivos máis ambiciosos, acabou caendo á Segunda Federación.Categoría da que sairía ao ano seguinte de forma brillante ao conseguir otítulo de ligadespois dun vibrante man a man cun inesperado e case infalible ata as últimas xornadas de liga, Unión Adarve.
Case de forma simultánea, o Cisne volvía saborear os meles do éxito. Tras o descenso desde Asobal na 2020/2021, os brancos protagonizaron unha extraordinaria campaña na División de Honra Prata que os devolveu, un ano despois á elite nun partido co Municipal cheo e co rei Juan Carlos I na bancada.
Un novo triunfo do modelo de canteira que xa é aceno de identidade do equipo pontevedrés. Cunha diferenza, que neste ano que se vai, o equipo puido celebralo como é debido, rodeado dunha afección entregada. Porque o primeiro e histórico ascenso a Asobal tivo que celebrarse en petit comité debido ás restricións da pandemia da covid-19.
Igualmente histórico foi o ascenso de CW Waterpolo Pontevedra a categoría nacional.O equipo feminino arrasou na competición autonómica e pasou tamén por encima dos seus rivais nunha fase de ascenso que encheu as bancadas da piscina da Esuela Naval Militar, na que deixaron encarrilado un salto de categoría que unha semana despois ratificaron en Murcia.
Agora, as mozas do waterpolo pontevedrés, cun equipo reforzado con talento novo procedente de Sudamérica, compiten sen complexos na segunda división nacional do waterpolo feminino.
A nota negativa do ano púxoa o Teucro. O equipo azul, que non dá saído da crise institucional e deportiva na que leva afundido desde hai anos, engadiu unha nova planta ao soto do seu desdicha co descenso do primeiro equipo a Primeira Nacional. Unha categoría autonómica na que nunca na súa historia estivera e da que non parece que vaia a saír esta tempada.
A nivel organizativo, Pontevedra segue sendo un seguro á hora de organizar eventos multitudinarios. O máis destacado deste ano foi a celebración dosmundiais de loitas olímpica e grappling de categoría júnior e sub 23 que converteu á Boa Vila na capital desta disciplina durante case dúas semanas.
Aínda que lonxe do río Lérez, representantes pontevedreses viaxaron a finais deste ano a Abu Dhabi para asistir á final das World Series de tríatlon que se celebraron no emirato para traer a Pontevedra a bandeira dun evento de relevancia mundial que no 2023 celebrarase na cidade.
Como aperitivo, a cidade organizou no mes de xullo unha proba da Copa do Mundo deste deporte que atraxo a centenares de deportistas e encheu de afeccionados as rúas da la Boa Vila.