Marea Pontevedra arremete contra Ana Pastor por "destruír o patrimonio natural da nosa contorna"
Por Redacción
O candidato á alcaldía por Marea Pontevedra, Luís Rei, mostrou o seu rexeitamento ao anuncio da ministra de Fomento, Ana Pastor, do inicio das obras da A-57 ao considerar esta obra innecesaria e prexudicial ambientalmente.
Segundo expón nun comunicado o cabeza de lista, a ministra e o alcalde de Pontevedra "non poden seguir enganando á xente co argumento dunha circunvalación inexistente" e apóiase na opinión do colectivo Salvemos a Fracha e en informes técnicos para indicar que esta vía non dará servizo e se converterá nun corredor rápido de oito quilómetros que levará por diante un patrimonio ambiental e cultural de máximo nivel.
Rei insiste en liberar de peaxe a autoestrada A-9 ao seu paso por Pontevedra e convertela desa forma na auténtica circunvalación e advirte a Fernández Lores, Jacobo Moreira e Agustín Fernández de ser cómplices de "este acto de terrorismo ambiental que pasa a converterse dende este momento nunha liña vermella de posibles acordos na futura corporación".
Marea Pontevedra insiste en que acompañará os veciños da Fracha nas accións que emprendan.
Relacionadas:
-
Marea Pontevedra financia a súa campaña coa venda de obras de estudantes de Belas Artes
Por Cristina Saiz & Oskar Viéitez |
-
Luís Rei presenta a candidatura de Marea Pontevedra reivindicando o "republicanismo cívico"
Por Oskar Viéitez & Mónica Patxot |
-
Ana Pastor anuncia que as obras da "circunvalación" A-57 entre Vilaboa e A Ermida arrancarán este verán
Por Oskar Viéitez & Mónica Patxot |
-
'Salvemos a Fracha' lembra a Ana Pastor que "aínda se pode repensar" o proxecto da A-57
Por Redacción |
-
Dez formacións políticas e sociais avalan a candidatura do escritor Luis Rei ás primarias de Marea Pontevedra
Por Oskar Viéitez & Mónica Patxot |