Dez formacións políticas e sociais avalan a candidatura do escritor Luis Rei ás primarias de Marea Pontevedra
Por Oskar Viéitez & Mónica Patxot
Luís Rei Núñez, escritor de novelas, poesía e ensaio, e xornalista da Televisión de Galicia, fixo pública a súa aspiración a encabezar a candidatura de Marea Pontevedra ás eleccións municipais de maio.
Para gañar ese dereito terá que presentarse ás primarias, cuxo proceso foi convocado hai uns días e que concluirá o sábado 7 de febreiro, polo que, de todas as mareas que se están a constituír en Galicia a de Pontevedra será a primeira que teña a candidatura conformada para poñerse en marcha.
Luis Rei compareceu ante a prensa diante do monumento a Castelao na Avenida de Santa María, acompañado das dez persoas, "dez castelaos" que avalan a súa candidatura que son representantes das formacións políticas Esquerda Unida, Podemos, Espazo Ecosocialista ou o 15-M e tamén de plataformas como Salvemos A Fracha, Non Crematorios Pontevedra, SOS Sanidade Pública, Defensa dos Praceres ou Marea Laranxa en Defensa dos Servizos Sociais, "quere dicir é unha candidatura de acumulación de forzas están partidos políticos e tamén plataformas", dixo o aspirante.
Curiosamente, Luis Rei, é o único que non está "adscrito" a ningún partido ou plataforma. Segundo explicou isto é premeditado xa que "para expresar a pluralidade que hai no seo da Marea o máis axeitado é unha persoa que resulte integradora e transversal coa que se sentan cómodos todos os que están a remar por este proxecto".
Para "visibilizar" o proxecto e a oferta da Marea Pontevedra, Luis Rei afirmou que "aplicamos a mellor das receitas que é a democracia". En canto ao programa electoral "construímolo entre todos nunhas xornadas" e se vai ir "enriquecendo" coas diferentes plataformas e colectivos veciñais.
Luis Rei afirmou que a súa candidatura é un "proxecto colectivo" que ten que dicir que "non" á "vella política" e para iso propoñen "democracia todos os días" e "facer políticas para os de abaixo".
"Podemos ser o motor e a gasolina do cambio en Pontevedra", concluíu Luis Rei.
AVAIS
Deron o seu aval á candidatura de Luis Rei: Vanesa Angustia, coordinadora comarcal de Esquerda Unida en Pontevedra; David Carballal, portavoz de Anova Pontevedra; Guillermo Casalderrey, activista do 15-M; Herminia Dios, activista de Marea Laranxa en Defensa dos Servicios Sociais; Marcos Fontán, secretario municipal de Podemos; Xoán Hermida, coordinador nacional de Espazo Ecosocialista; María Luisa Lores, activista de SOS Sanidade Pública; José Antonio Ramírez, activista da Plataforma Non Crematorios Pontevedra Leste; Eladio Torres, activista da Plataforma dos Praceres e Cruz Villaverede, activista de Salvemos A Fracha.
Relacionadas:
-
Marea Pontevedra arremete contra Ana Pastor por "destruír o patrimonio natural da nosa contorna"
Por Redacción |
-
Xosé Fortes critica a "política criminal" de Ana Isabel Vázquez, que "destruiu o Museo de Pontevedra"
Por Natalia Puga & Mónica Patxot |
-
Mareas de toda Galicia propoñen unha Declaración de Pontevedra para unirse de cara ao 24-M
Por Natalia Puga |
-
Marea Pontevedra nomea un goberno "transparente" para supervisar o traballo municipal
Por Redacción |
-
Unha administrativa dos Praceres acompañará a Luis Rei á fronte da candidatura de Marea Pontevedra
Por Alejandro Espiño |
-
As primarias de Marea Pontevedra permitirán elixir entre 15 candidatos e un único cabeza de lista
Por Redacción |
-
Beiras e Noriega, sobre Marea Pontevedra: non é "inimigo" do BNG, senón un elemento "enriquecedor"
Por Alejandro Espiño & Mónica Patxot |
-
Anova confirma o seu apoio a Marea Pontevedra para as próximas eleccións municipais
Por Diego Espiño |
-
Primarias abertas en Marea Pontevedra para elixir os 25 membros da súa candidatura ás eleccións
Por Alejandro Espiño |