Daniela Suárez dá o salto á Selección Española Júnior de natación artística
Por Redacción
A deportista pontevedresa Daniela Suárez segue queimando etapas dentro das categorías inferiores da Selección Española de Natación Artística.
Tras destacar a nivel infantil con medallas internacionais, a nadadora do Club Galaico Sincro foi agora incluída na convocatoria para a concentración da preselección española júnior que se levará a cabo do 5 ao 10 de decembro en Valladolid.
Daniela entrou na lista tras nadar as probas de selección e despois de finalizar sexta no Campionato de España rutinas técnicas júnior e figuras infantís que tivo lugar a fin de semana en Madrid.
En categoría de equipo técnico Almudena García, Antía Riveiro, Claudia Fernández, Daniela Suárez, Lucía Arousa, María Maquieira e Navia Pérez asinaron o posto 21 dun total de 24 equipos, mentres que en categoría de dúos as nadadoras Antía Riveiro e Daniela Suárez alcanzarían un 16º posto de 46 dúos presentados.
Ademais o Galaico Sincro fíxose co posto 20 da xeral por equipos, mentres que en categoría infantil o posto alcanzado na xeral por equipos de Claudia Fernández, Lucía Arosa e Clara Maquieira foi o 29º dun total de 36.
MEDALLA Ao MÉRITO
Durante a celebración do campionato Daniela Suárez recolleu ademais a medalla ao mérito outorgada pola Real Federación Española de Natación polo seu bo papel no Mundial Infantil celebrado en Atenas.
Relacionadas:
-
Juan David Hernández e Daniela Suárez fan historia para o Galaico Sincro cunha dobre medalla no Campionato de España
Por Diego Espiño |
-
Daniela Suárez repite presenza na Selección Española Júnior e mira cara o Europeo e Mundial
Por Redacción |
-
Un pontevedrés aprendendo co dúo mixto da Selección de España Absoluta de Natación Artística
Por Redacción |
-
Recepción municipal a Daniela Suárez, que recibirá a medalla ao mérito deportivo da RFEN
Por Redacción |
-
Daniela Suárez tamén se leva a prata no mundial infantil de natación artística
Por Redacción |
-
Daniela Suárez cólgase o bronce no mundial infantil de natación artística
Por Redacción |
-
A selección española infantil de natación artística conta coa pontevedresa Daniela Suárez para preparar o mundial
Por Redacción |
-
Un Galaico Sincro de récord na natación artística galega
Por Redacción |