Goleada do Marín Futsal o Leganés para recuperar sensacións (5-0)
Por Cristina Saiz & Almu Dapena
Despois de dúas xornadas sen coñecer a vitoria o Marín Futsal recuperou sensacións diante da súa afección con goleada por 5-0 ao Leganés nun partido que dominou de principio a fin.
De feito, o cadro marinense fíxose coa batuta nada máis comezar o encontro, sendo dono do balón e da construción do xogo tentando atopar ocos entre a zaga dun conxunto pepinero ao que lle duraba moi pouco o balón nos pés.
E avisou moi pronto o Marín Futsal. No minuto catro, Lysa tivo unha dobre oportunidade tras un roubo en primeira liña, Moni parou de socato e na segunda xogada a xogadora marinense disparou desviado por moi pouco.
Pero cinco minutos despois nada puido facer a gardameta visitante e dun posible 0-1 chegouse ao 1-0. O Leganés sacou de esquina, Patri detivo e levantou a cabeza. Viu a Débora en longo, correu a banda esquerda e de tiro cruzado adiantou ao seu equipo.
Tras o tanto entrou o partido nun correcalles, pero as que golpearon de novo foron as marinenses, que roubaron en campo propio e enviaron en longo a Lysa, que que coou o esférico entre as pernas de Moni para facer o 2-0 e ampliar a vantaxe do seu equipo.
Despois do paso polos vestiarios o Marín seguiu dominando mentres o Leganés non era capaz de chegar con perigo a área rival.
E así, á media hora de xogo, chegou o terceiro gol local tras un novo roubo en campo propio e a súa posterior transición. Café fíxose co balón, cedeu ao segundo pau a María e esta anotou o gol da tranquilidade.
O Leganés estaba moi tocado e Ramiro Díaz aproveitou a situación para atacar con cinco xogadoras e deixar completamente noqueado ao seu rival. Nun saque de esquina saque de esquina Lysa subiu o cuarto ao marcador e a falta de tres minutos Carolina Pedreira sentenciou anotando o 5-0.
Relacionadas:
-
Derrota do Marín Futsal fronte o Les Corts para dicir adeus á Copa da Raíña (1-3)
Por Redacción |
-
A solvencia defensiva, un reto para o Marín Futsal en Murcia, e proba de nivel para o Poio Pescamar recibindo o líder Alcorcón
Por Redacción |
-
Derrota do Marín Futsal ante un Torreblanca Melilla moi superior (1-5)
Por Cristina Saiz & Almu Dapena |
-
Pelexado triunfo do Marín Futsal fronte ao Rodiles asturiano na Copa da Raíña (5-8)
Por Redacción |
-
Gañar a domicilio segue sendo tarefa pendente para o Marín Futsal (3-0)
Por Redacción |
-
Poio Pescamar e Marín Futsal, a pola segunda vitoria para deixar atrás o mal inicio de liga
Por Redacción |
-
O Marín Futsal estrélase ante o recentemente ascendido Torcal (2-1)
Por Redacción |
-
Poio Pescamar e Marín Futsal coñecen os seus emparellamentos para a segunda rolda da Copa da Raíña
Por Redacción |
-
Derrota na Raña dun renovado Marín que non puido co Roldán (1-3)
Por Redacción |
-
Campaña de socios e fichaxes nun Marín Futsal que xa mira á súa estrea en liga
Por Redacción |