O Poio Pescamar ponse en marcha co reto de seguir elevando o seu teito: "Creo que se pode mellorar"
Por Diego Espiño
É difícil, pero non imposible. O Poio Pescamar iniciou este luns 7 de agosto unha nova tempada co regreso do seu primeiro plantel aos adestramentos, e fíxoo co reto de mellorar o conseguido o pasado curso, seguir elevando o seu teito histórico.
Un segundo posto na liga regular é un listón alto "pero creo que se pode mellorar", sinala ambicioso o técnico por segundo ano do cadro conserveiro, Luís López-Tulla.
"O reto grande é tentar estar en máis competicións, como a Supercopa, ou competir en Copa da Raíña", explica sen apartar a vista do play-off polo título de liga no que esperan repetir presenza.
Para iso o equipo rojillo pechou tres fichaxes estivais, cos regresos de Ale de Paz e Lara Balseiro e a contratación da pivote brasileira Karina Pelé, única ausente na primeira sesión da pretempada.
En todo caso "estamos a mirar para ampliar aínda un pouco máis o plantel", recoñece o preparador do Poio Pescamar, unha necesidade que responde tamén á lesión dunha das xogadoras do equipo, Anna Escribano, que estará varios meses afastada das pistas.
O cadro da Seca ten agora máis dun mes por diante para chegar na mellor forma posible ao comezo da competición ligueira, previsto para o 16 de setembro, cunha pretempada que incluirá cinco compromisos de preparación.
Ademais das futbolistas do primeiro plantel completan os adestramentos catro xogadoras da canteira: Sofía, Iria, Nerea e Ainhoa.
Relacionadas:
-
O Poio Pescamar elixe capitás e dorsais antes do debut na liga
Por Redacción |
-
Unha campaña de socios no Poio Pescamar "para que a Marea Vermella suba máis alta que nunca"
Por Redacción |
-
O Poio Pescamar, terceiro no torneo Vila do Castro
Por Redacción |
-
Pelé incorpórase aos adestramentos do Poio Pescamar
Por Redacción |
-
Todos os partidos do Poio Pescamar e Marín Futsal poderán verse na plataforma FEF TV
Por Redacción |
-
Catro compromisos para a pretempada do Poio Pescamar
Por Redacción |
-
Unha década despois, Lara Balseiro volve ao Poio Pescamar
Por Redacción |
-
O Marín Futsal recibe o Roldán e o Poio Pescamar visita o Burela o 16 de setembro no inicio da nova tempada
Por Redacción |
-
Marta Peñalver pecha o capítulo de renovacións no Poio Pescamar
Por Redacción |
-
Irene García, oitava renovación do Poio Pescamar
Por Redacción |
-
A brasileira Karina Pelé, segunda fichaxe do Poio Pescamar
Por Redacción |