Marta Peñalver pecha o capítulo de renovacións no Poio Pescamar
Por Redacción
O Poio Pescamar pecha o capítulo de renovacións para a próxima tempada confirmando unha continuidade moi especial, a de Marta Peñalver, que seguirá defendendo as cores rojillos o próximo curso.
A que fora elixida mellor ala dereita de Europa está inmersa no proceso de recuperación da lesión de rotura de ligamento cruzado anterior do seu xeonllo dereito. Pasou polo quirófano no mes de abril e non poderá volver xogar ata dentro de oito meses. O seu regreso está previsto para principios do ano que vén.
Aínda así, desde a directiva do equipo conserveiro demostran o seu apoio e confianza na futbolista ampliando o seu contrato por unha tempada máis.
Na Seca basean esta decisión en que Peñalver "demostrou un altísimo nivel ata a súa lesión na xornada 20 de liga. Nese momento era nosa máxima goleadora con 15 tantos (14 en liga e 1 en Copa da Raíña)". A pesar de perderse o tramo final da campaña, acabou como terceira máxima realizadora do primeiro equipo.
"Esperámoste na Seca cando esteas recuperada", conclúe o comunicado do Poio Pescamar.
Relacionadas:
-
Catro compromisos para a pretempada do Poio Pescamar
Por Redacción |
-
O Poio Pescamar ponse en marcha co reto de seguir elevando o seu teito: "Creo que se pode mellorar"
Por Diego Espiño |
-
Unha década despois, Lara Balseiro volve ao Poio Pescamar
Por Redacción |
-
O Marín Futsal recibe o Roldán e o Poio Pescamar visita o Burela o 16 de setembro no inicio da nova tempada
Por Redacción |
-
A vermella Marta Peñalver estará oito meses de baixa por unha grave lesión de xeonllo
Por Redacción |