O Marín Futsal recibe o Roldán e o Poio Pescamar visita o Burela o 16 de setembro no inicio da nova tempada
Por Redacción
A Real Federación Española de Fútbol sorteou este martes o calendario da nova tempada da Primeira División feminina de fútbol sala, na que volverán competir o Poio Pescamar e o Marín Futsal.
A competición comezará a fin de semana do 16 de setembro e farao cun esixente derbi autonómico con moitas contas pendentes. O Poio Pescamar visitará o Burela, que eliminou ás da Seca no playoff polo título, aínda que na liga regular as pontevedresas acabaron por encima das da Mariña.
Pola súa banda, o Marín Futsal iniciará unha nova andaina na máxima categoría do futbol sala nacional como local recibindo ao Roldán.
O primeiro derbi da ría está previsto para o 16 de decembro, na penúltima xornada da primeira volta, no pavillón da Raña, en Marín.
A primeira volta concluirá unha semana máis tarde e a competición renovarase despois do parón do Nadal, o 13 de xaneiro do 2024.
A fase regular concluirá a última fin de semana de maio para dar paso á final a catro polo título de liga.
FICHAXES DO MARÍN FUTSAL
O equipo da Raña fixo oficial a fichaxe dunha nova xogadora para a próxima campaña. Trátase de Débora Lavrador, futbolista portuguesa de 27 anos procedente do Sporting de Portugal. Internacional co país luso ata en 10 ocasións e cun subcampeonato e terceiro posto nos dous mundiais universitarios que disputou, a polivalente xogadora achegará experiencia e moita calidade ao persoal de Ramiro Díaz.
A portuguesa compartirá vestiario coa súa compatriota e excompañeira de equipo, Carolina Pedreira que aos seus 21 anos tratará de seguir sumando experiencia nunha liga tan competitiva como a española.
Relacionadas:
-
Unha campaña de socios no Poio Pescamar "para que a Marea Vermella suba máis alta que nunca"
Por Redacción |
-
Catro compromisos para a pretempada do Poio Pescamar
Por Redacción |
-
Primeiro día na oficina para un renovado Marín Futsal: "Non hai ningún obxectivo máis aló da permanencia"
Por Diego Espiño & Mónica Patxot |
-
O Poio Pescamar ponse en marcha co reto de seguir elevando o seu teito: "Creo que se pode mellorar"
Por Diego Espiño |
-
Ana Pinto, nova incorporación do Marín Futsal
Por Redacción |
-
Marta Peñalver pecha o capítulo de renovacións no Poio Pescamar
Por Redacción |
-
Poio Pescamar e Marín Futsal cítanse nas semifinais da Copa Galicia
Por Redacción |
-
Tres novas pezas para a reconstrución do Marín Futsal
Por Redacción |
-
Irene García, oitava renovación do Poio Pescamar
Por Redacción |
-
A brasileira Karina Pelé, segunda fichaxe do Poio Pescamar
Por Redacción |
-
O Poio Pescamar fai oficial o regreso da internacional Ale de Paz
Por Redacción |