A vermella Marta Peñalver estará oito meses de baixa por unha grave lesión de xeonllo
Por Redacción
O peor presaxio cumpriuse e a xogadora do Poio Pescamar Marta Peñalver di adeus á tempada. As probas confirman que sofre unha rotura do ligamento anterior e do menisco interno do seu xeonllo dereito que a obrigarán a pasar polo quirófano e a permanencer polo menos seis meses de baixa.
Desde o club e desde o vestiario móstranse consternados pola mala noticia e desexan unha pronta recuperación a unha das xogadoras máis destacadas da escuadra de Poio, que bateu precisamente no partido no que se lesionou a súa xogadora, o seu récord histórico de vitorias e puntuación nunha liga.
A lesión prodúxose nunha acción na que a conserveira disputaba un balón dividido cunha rival coa mala fortuna que o golpe recibido no xeonllo produciulle unha das lesións máis graves que pode padecer unha futbolista.
O período de recuperación, sempre que non haxa complicacións, varía entre os seis e oito meses. Mentres tanto, as súas compañeiras de equipo tratarán de dedicarlle a primeira clasificación do equipo para a final a catro polo título, principal obxectivo das da Seca esta tempada.
Mentres que o obxectivo de Peñalver será o de comezar o seu período de recuperación tan pronto como pase polo quirófano co obxectivo de volver á competición a finais de ano.
Relacionadas:
-
Marta Peñalver pecha o capítulo de renovacións no Poio Pescamar
Por Redacción |
-
O Poio Pescamar sentenza o Leganés e colócase a un punto do liderado (0-6)
Por Redacción |
-
Solvente triunfo do Poio Pescamar fronte a Sala Zaragoza (6-0), para seguir ao ronsel do líder
Por Cristina Saiz & Ramiro Espiño |
-
Un Poio Pescamar de récord golea o Majadahonda (1-4)
Por Redacción |
-
Repartición de puntos na reestrea da Seca entre Poio Pescamar e Alcorcón (1-1)
Por Redacción & Cristina Saiz |
-
O Poio Pescamar pon fin ao seu exilio pontevedrés para regresar á súa casa na Seca
Por Redacción |