O Pontevedra confirma a baixa de doce futbolistas do primeiro equipo
Por Manu Otero
Pablo Cacharrón, Álvaro Cortés, Viktor Nikolov, Diego Seoane, Samu Araújo, Derik, Miguel Román, Javi Robles, Brais Abelenda, Alberto Rubio, Martín Diz e Gonzalo Bueno deixan de pertencer á disciplina do Pontevedra CF SAD.
A sociedade anónima deportiva informou desta decisión a través dun conciso comunicado publicado pasadas as 20 horas da tarde deste venres sen dar explicacións sobre as razóns que levaron ao fin da relación entre a entidade granate e estes doce futbolistas. Moitos deles foron peza fundamental do equipo este ano e o anterior, outros tiveron un paso fugaz por Pasarón.
A mensaxe que lles transmite o club a través deste comunicado queda nun "agradecemos a vosa profesionalidade e compromiso durante a vosa etapa non Pontevedra CF e desexámosvos a maior das sortes nos vosos futuros proxectos".
Tampouco aclaran neste comunicado se houbo negociacións con algún dos doce para tratar de ampliar o contrato ou para rescindilo no caso daqueles que aínda tiñan contrato como Nikolov.
É sorprendente tamén a ausencia de Libasse Gueye nesta lista. O extremo senegalés tiña unha opción de ampliar o seu contrato por un ano máis se cumpría unha serie de requisitos. Con todo, nin club nin xogador confirmaron nin desmentiron a súa continuidade en Pasarón.
Relacionadas:
-
Miguel Román asina co Celta para as tres próximas tempadas
Por Diego Espiño |
-
Movementos na defensa do Pontevedra: Luís Martínez vaise, Javier Hermelo chega
Por Manu Otero |
-
O exgranate Martín Diz atopa acomodo no Arosa e Cacharrón asina polo Unionistas
Por Manu Otero |
-
O central Mario Gómez ficha polo Pontevedra para unha tempada
Por Almu Dapena |
-
Brais Abelenda abandona o Pontevedra e xogará na Ponferradina
Por Almu Dapena |
-
O Pontevedra reforza a súa portería co regreso de Edu Sousa e o ascenso ao primeiro equipo de Manu Vizoso
Por Almu Dapena |
-
Terceira fichaxe do Pontevedra: regresa Eneko Zabaleta
Por Manu Otero |
-
O dianteiro Charly López, procedente do Zamora, segunda fichaxe do Pontevedra
Por Manu Otero |
-
Óscar Castellano 'Chiqui', primeira fichaxe do Pontevedra
Por Diego Espiño |
-
A elección do novo adestrador granate, unha decisión inminente
Por Diego Espiño |
-
O Pontevedra que vén: xogadores con contrato, procura de adestrador, dirección deportiva...
Por Diego Espiño |