![](/web/cache/scene/uploads/fotos/foto/ef2/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/643e8944bd-img_20230416_170319.jpg)
© PontevedraViva
A familia do Atlético Estación homenaxea a Jose Luís Torrado e a Rosa, expresidenta da entidade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os salóns do Hotel Galicia Palace foron escenario o pasado domingo dun emotivo acontecemento. Toda a familia da Atlético Estación, club que formou en Pontevedra futbolistas de todas as idades durante máis de vinte anos, rendeu unha sentida homenaxe a dúas das súas figuras máis importantes: Jose Luís Torrado, masaxista coñecido como O Bruxo; e a súa esposa e expresidenta do club, Rosa.
No acto participaron máis de noventa persoas, moitos deles exfutbolistas da entidade e outros moitos achegados. O motivo desta sorpresa non era outro que o de agradecer o traballo desinteresado prestado durante anos polo matrimonio.
Ao finalizar a comida, unha representación de exxogadores fixeron entrega á parella dunha placa conmemorativa. Ademais, os discursos, as anécdotas e os recordos relatados durante o banquete fixeron brotar as bágoas a máis dun dos asistentes.
"Quixemos facerlles esta homenaxe, non por ningún motivo nin ningunha data especial, senón por recoñecer o bo trato que nos prestaron durante todos os anos de vida do equipo", explica Edu, un dos exfutbolistas da Atlético Estación, os motivos desta multitudinaria convocatoria. "Sabían que estabamos a organizar algo, pero foi unha sorpresa e emocionáronse moito", confesa.
O Atlético Estación homenaxea a Jose Luís Torrado, O Bruxo, e á súa muller e expresidenta da entidade, Rosa
O Atlético Estación homenaxea a Jose Luís Torrado, O Bruxo, e á súa muller e expresidenta da entidade, Rosa, cun multitudinario banquete no Hotel Galicia Palace
© PontevedraViva
Relacionadas:
-
Multitudinaria e emotiva despedida a José Luis Torrado 'O Bruxo'
Por Cristina Saiz & Ramiro Espiño |
-
Adeus a unha lenda: falece José Luis Torrado 'O Bruxo' aos 88 anos
Por Ramiro Espiño |
-
José Luis Torrado na homenaxe do COE: "Soy millonario, no por tener dinero, sino por la amistad"
Por Sofía Lorenzo |
-
O Comité Olímpico Español homenaxeará a José Luis Torrado 'O Bruxo'
Por Redacción |
-
RADIO.- José Luis Torrado "O Bruxo", pese a quen pese
Por Marisa Ciordia |
-
José Luis Torrado 'O Bruxo', homenaxeado polo Comité Olímpico Mexicano
Por Redacción |