As loitadoras do CGTD, Lydia Pérez e Nerea Pampín, soben ao podio no torneo internacional de Klippan
Por Redacción
As loitadoras que adestran no CGTD Lydia Pérez e Nerea Pampín participaron a pasada fin de semana en Suecia no torneo internacional de Klippan, no que conseguiron unha medalla de bronce e outra de prata, respectivamente.
Acompañadas polo técnico Rubén Méndez, a pontevedresa subiuse ao terceiro banzo do podio na categoría de -62 quilos despois de derrotar en primeira rolda á campioa francesa, Iris Thiebaux; caer en semifinais fronte á campioa do mundo Suzu Kasaki e, na final polo bronce, impúxose con superioridade á estadounidense Ella Schmit.
Pola súa banda, a estradense Pampín superou en primeira rolda á campioa sueca Nora Svensson e en semifinais á norueguesa Ingrid Skard. Na final non puido coa estadounidense Elleni Diacoumas, coa que perdeu por un axustado 4-5.
Ao finalizar a competición, o técnico Rubén Méndez mostrouse "contento polo desempeño de ambas as deportistas", que agora permanecerán concentradas en Klippan durante 5 días antes de volver aos entrenamnientos do CGTD de Pontevedra.
Dentro dunha semana, ambas as loitadoras participarán nunha nova concentración internacional no INSEP de París.
Relacionadas:
-
A brasileira Lais Nunes corta as ás a Lydia Pérez no Mundial de Loita
Por Diego Espiño |
-
Lydia Pérez triunfa nos Xogos do Mediterráneo de loita praia
Por Redacción |
-
Lydia Pérez revalida o seu título de campioa de España de loita
Por Diego Espiño |
-
Lydia Pérez despídese do Europeo tras caer coa campioa continental sub-23
Por Diego Espiño |
-
Lydia Pérez e Nerea Pampín poñen rumbo a Zagreb na busca do cetro continental
Por Redacción |
-
As loitadoras Lydia Pérez e Nerea Pampín preparan o Europeo nunha concentración internacional en París
Por Redacción |
-
Lydia Pérez inicia en Niza un ano repleto de campionatos coa vista posta en París 2024
Por Redacción |
-
As loitadoras Lydia Pérez e Nerea Pampín, convocadas por España para disputar dous torneos en Francia
Por Redacción |