Con (case) todos para afrontar o reto da Copa do Rei
Por Diego Espiño
O Pontevedra Club de Fútbol volveu este mércores aos adestramentos tras unha xornada de descanso pensando xa no partido de primeira rolda de Copa do Rei do próximo domingo (12.00 horas) en Manresa.
Fíxoo ademais con practicamente todo o plantel granate ao dispor do técnico.
Desta forma, ao non contar con sancionados para esta competición (Luís Martínez si debe afrontar un encontro de suspensión en liga), e cunha semana despois por diante ata o próximo compromiso na Primeira RFEF, Antonio Fernández poderá botar man de toda a súa artillería pesada, ou case toda, para tentar pasar a eliminatoria.
O único futbolista que se exercitou a menor ritmo que os seus compañeiros foi o capitán Álex González, que xa se perdeu o duelo fronte ao Castilla e que fixa o seu obxectivo en estar ao 100% para a liga.
Ademais o gardameta Álvaro Cortés deu o susto no adestramento ao abandonar a sesión antes de tempo tras un choque cun compañeiro que lle provocaron molestias na perna dereita.
Relacionadas:
-
6,7 segundos! O gol en propia meta de Churre en Manresa, directo ao libro dos récords
Por Diego Espiño |
-
O Pontevedra remonta en Manresa e sela o seu pase á seguinte rolda da Copa do Rei (1-3)
Por Almu Dapena |
-
Antonio Fernández: "A Copa non se xoga todos os anos, hai que darlle o valor que ten"
Por Diego Espiño |
-
Manresa desborda ilusión para recibir o Pontevedra na Copa do Rei
Por Diego Espiño |
-
Pasar de rolda na Copa do Rei cotízase caro para o Pontevedra
Por Diego Espiño |
-
A falta de gol a domicilio, un mal que se enquista no Pontevedra
Por Diego Espiño |
-
Antonio Fernández: "Estivemos moi ordenados e dificultamos moito ao Castilla"
Por Almu Dapena |
-
Arribas sentenza a un defensivo Pontevedra que segue sen gañar fóra da casa (1-0)
Por Almu Dapena |
-
Domingo 13 en horario matinal, data proposta polo Manresa para medirse ao Pontevedra na Copa do Rei
Por Almu Dapena |