Un tridente para agarrar a permanencia en Asobal
Por Redacción
O Cisne presentou este venres os seus tres últimas incorporacións para a súa nova aventura en liga Asobal. Trátase de Gabriel Cavalcanti, Guatlher Furtado e Emiliano Franceschentti. "Temos unha promesa, un xogador de mediana idade e un veterano que achegará experiencia a un persoal moi novo", dixo o presidente Santi Picallo para comezar a presentación.
"Gabriel Cavalcanti chega con 19 anos e queden co seu nome porque vai ser un dos nomes máis importantes a nivel mundial", dixo o mandatario sobre o lateral esquerdo portugués que procede do Benfica.
Sobre o central caboverdiano de 27 anos Gualther Furtado, valorou Picallo a súa traxectoria de cinco anos na liga portuguesa e o éxito de proclamarse subcampión de África co seu país. "Vén completar a inexperiencia do noso persoal", puntualizou.
O último en chegar foi o corpulento pivote arxentino Emiliano Franceschentti. "É a xoia que esperabamos", afirmou satisfeito o dirixente cisneísta. A chegada do experimentado pivote procedente do Unión Basee Oviedo servirá para cubrir o oco que deixara a marcha do canteirán Dani Virulegio ao Valladolid.
O adestrador, Javier Márquez, tamén se mostrou satisfeito cos tres reforzos. "Son os xogadores que buscabamos, que veñen complementar o que xa había. No caso de Gabriel, defende no centro da defensa e ten gran capacidade de lanzamento. Terá aínda que adaptarse, pero ten unhas grandes calidades. Gualther é un xogador capaz de resolver nas tres posiciones da primeira liña, defende ben de dúas e teñen unha gran capacidade de lanzamento, ademais de moita potencia física. E Emiliano achega moita experiencia tanto en defensa como en ataque e axuda aos xogadores que se están formando", resumiu o preparador.
Na súa presentación os tes coincidiron ao afirmar que senten "moi contentos de estar aquí". Cavalcanti recoñeceu que "temos por diante unha competición difícil, pero confiamos que sexa boa e podamos chegar lonxe". Furtado, pola súa banda, expresou o seu orgullo por "representar a un club como o Cisne"; mentres que Franceschetti mostrou a súa predisposición para "axudar aos mozos" e non ocultou as súas "ganas xa de xogar" e debutar nesta categoría. Pero antes, todos teñen entre cella e cella o primeiro título da tempada: a Supercopa Galicia.
Relacionadas:
-
Os nervios e a precipitación condenan ao Cisne no seu redebut en Asobal contra Anaitasuna (32-29)
Por Almu Dapena |
-
O Cisne redebuta en Liga Asobal este sábado contra o Anaitasuna de Quique Domínguez
Por Redacción |
-
O Cisne sucumbe ante o Cangas nunha agónica final da Copa Galicia (35-34)
Por Redacción |
-
O Cisne supera o Atlético Novás e xa é finalista da Copa Galicia (26-21)
Por Redacción |
-
As probas descartan unha lesión grave no xeonllo de Bruno Vázquez, que estará dous meses de baixa
Por Redacción |
-
O Cisne buscará o sábado o pase á final da Supercopa Galicia fronte ao Novás
Por Redacción |
-
O Cisne gaña o Xiria e avanza a semifinais da Copa Galicia (28-37)
Por Redacción |
-
O portugués Gabriel Cavalcanti chega ao Cisne como cedido
Por Diego Espiño |