Luís Martínez reforza a defensa do Pontevedra
Por Manu Otero
Creada e actualizada
Creada e actualizada
A falta dunha semana para o inicio de liga, o Pontevedra segue dando forma ao plantel que competirá en Primeira Federación. O central Luís Martínez é a última peza en poñerse ás ordes de Antonio Fernández despois de asinar un contrato por dúas tempadas.
O defensa rioxano de 28 anos militou as dúas últimas tempadas no filial do Real Betis, co que descendeu o ano pasado a Segunda Federación. A pesar da mala tempada, Martínez foi unha peza fundamental ao longo de todo o curso, no que disputou 29 partidos, titular en 25 deles e en case todos completou os noventa minutos de xogo.
Antes, o defensor defendera as cores de Atlético Sanluqueño, Villanovense, Écija, Areas de Getxo, Logroñés e Zaragoza B, sempre na categoría de bronce do fútbol español.
Coa chegada do zurdo Luís Martínez, o conxunto granate reforza unha das demarcacións máis debilitadas do seu actual plantel. Churre e Soto eran as únicas pezas confirmadas para o centro da defensa. Tendo en conta que Derik, que foi sumando minutos nos amigables, continúa aínda a proba.
A través das súas redes sociais, o rioxano declarou sentirse "moi feliz de unirme a este proxecto para as próximas dúas tempadas". Así mesmo lanzou unha mensaxe para toda a afección: "A traballar moi duro para lograr os obxectivos. Vémonos no Pasaron!", rematou.
OFICIAL | Luis Martínez , nuevo defensa granate hasta 2024
— Pontevedra CF (@PontevedraCFSAD) August 22, 2022
El experimentado central riojano se incorpora desde este lunes a los entrenamientos a las órdenes de Antonio Fernández
Bienvenido @luis_martinez5#IzandoVelas #HaiQueRoelo pic.twitter.com/J5P4nytUzJ
Relacionadas:
-
O Pontevedra agarda a un Alcorcón "aspirante a campeón" con todos os seus reforzos dispoñibles
Por Manu Otero |
-
O plantel "máis caro" da era Lupe Murillo encoméndase á Peregrina para lograr "unha permanencia, un playoff ou un ascenso"
Por Manu Otero & Cristina Saiz |
-
O Pontevedra esgota todas as súas fichas sénior
Por Manu Otero |
-
O Pontevedra fai oficial a fichaxe de Jon Bakero por dúas tempadas
Por Manu Otero |
-
O senegalés Libasse Guèye, nova fichaxe do Pontevedra
Por Diego Espiño |
-
Unha pretempada con certezas, pero tamén con dúbidas
Por Diego Espiño |
-
Momento de decidir sobre Derik Osede: "Esta semana ou a que vén ten que ser definitiva"
Por Diego Espiño |
-
Borja Domínguez regresa ao Pontevedra
Por Redacción |