Pontevedra Viva!

Máis +
Partido de liga entre Pontevedra e Salamanca CF UDS en Pasarón

© Cristina Saiz

Deportivo de la Coruña e Nàstic completan a Primeira RFEF na que debutará o Pontevedra

Almu

Por Almu Dapena

A próxima campaña de Primeira RFEF xa está completa cos 40 equipos que a conformarán, polo que o Pontevedra Club de Fútbol xa coñece aos que serán seus rivais.

De feito, aínda que a Federación Española debe confirmar aínda a configuración dos grupos, o conxunto granate sabe que se enfrontará tanto o filial do Celta de Vigo como o Real Club Deportivo e o Racing de Ferrol, que perderon no play-off de ascenso a Segunda División e quedaron sen praza na categoría de prata do fútbol español, polo que estarán presentes no cuadrante noroeste.

Completa a Primeira RFEF o Nàstic, que se xogaba a promoción a Segunda contra un Villarreal B que gañou por 2-0, mentres que o Dépor perdeu por 1-2 contra o Albacete en Riazor tras un partido que puxera de fronte co gol de Mario Soriano.

Independentemente diso, é sabido que o Pontevedra terá que completar moitos quilómetros aínda que como se repartirán os grupos segue no aire. As probabilidades apuntan a que os da Boa Vila, por distancia, compitan contra a Cultural Leonesa, Unionistas de Salamanca e Numancia.

En todo caso, todo dependerá da repartición da categoría. Unha división Norte e outra Sur podería enviar ao Pontevedra ata terras catalás e, en cambio, se se produce entre Oeste e Leste visitaría Andalucía ou Ceuta.

Tras os últimos ascensos, a Primeira RFEF queda configurada polos seguintes equipos:

  • Galicia: Pontevedra CF, RC Celta B, Deportivo de la Coruña, Racing de Ferrol.
  • Castela-León: Cultural Leonesa, Unionistas de Salamanca, Numancia.
  • Madrid: UD San Sebastián de los Reyes, Alcorcón, Fuenlabrada, Real Madrid Castilla, DUX Internacional.
  • A Rioxa: SD Logroñés, Calahorra.
  • Navarra: Osasuna Promesas.
  • País Vasco: Real Unión, Bilbao Athletic, Real Sociedad B, Amorebieta.
  • Estremadura: Mérida, Badajoz.
  • Andalucía: Córdoba, San Fernando, Algeciras, Balompédica Linense.
  • Ceuta: AD Ceuta.
  • Murcia: Real Murcia.
  • Comunidade Valenciana: Eldense, Alcoyano, La Nucía, Intercity, CD Castellón.
  • Baleares: Atlético Baleares.
  • Cataluña: FC Barcelona B, Sabadell, UE Cornellà, Gimnàstic de Tarragona.

 

Relacionadas: