Un gol do Burela sobre a bucina deixa o Poio Pescamar co mel nos beizos (3-2)
![Almu](/web/cache/scene/uploads/xornalistas/foto/ea8/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5e90aef8d7-_noc0208.jpg)
Por Almu Dapena
Un gol sobre a bucina de Ale de Paz deixou ao Poio Pescamar co mel nos beizos no derbi irmandiño ante o Burela. O conxunto conserveiro, que se foi ao descanso dominando cun 2-0 grazas aos goles de Dani Sousa, perdoou na segunda metade e viuse castigado pola arrancada final das locais (3-2).
Marcou o ritmo de inicio o Poio, cunha boa presión a toda cancha que lle permitía adiantarse aos dous minutos de xogo. Irene García roubou o balón ao seu opoñente e cedeu a Dani Sousa para superar a Sandra Buzón.
Tentou reaccionar o Burela, que se beneficiaba das catro faltas que cometía o cadro visitante demasiado pronto. Con todo, foron as conserveiras as que puxeron máis terra polo medio cando se cumpría o minuto sete de xogo. Ana Rivera sacou un disparo afastado que non conseguiu blocar a gardameta rival e, de socato, Dani Sousa aparecía para anotar o 0-2.
Leti Cortés e Jenny buscaron sorprender a Caridad, moi ben posicionada baixo paus, e Marcondes, na recta final do primeiro acto, tiña nas súas botas a mellor ocasión do partido cun remate ao traveseiro.
Despois da continuación aumentou a presión do cadro laranxa aínda que sen acerto, sendo Marcondes, unha vez máis, a que estrelaba un remate ao pau nun duelo que se lles estaba atragoando.
Contra todo prognóstico pasou a xogo de cinco Manu Cossío coa intención de imprmir maior posesión ao balón e deixar morrer o partido dese xeito, facendo o propio o Burela a oito minutos para a conclusión con Bea Mateos.
Nese momento volveu Caridad á portería, buscando manter o marcador a cero para que o seu equipo fixésese cos tres puntos. Con todo, nunha mala saída de balón de Luci, Irene Samper rouboulle a carteira en tres cuartos de cancha e superou á gardameta rojilla metendo de cheo ás locais na pelexa.
Comezou a sufrir nese momento o Poio Pescamar, que vivía un asedio continuo dun Burela que quería a vitoria custe o que custe. Así, con Ale de Paz en modo goleadora tras unha boa combinación de cinco das súas compañeiras, o cadro natana rescataba 'in extremis' a vitoria nos minutos 39 e 40.
PESCADOS RUBÉN BURELA (3): Sandra Buzón; Ale de Paz, Irene Samper Leti Cortes e Dany, (quinteto inicial). Tamén xogaron, Emilly Marcondes, Cilene, Bea Mateos, Elena Aragón, Jenny, Elena Aragón, Lara e Jozi (segunda porteira).
POIO PESCAMAR (2) Caridad; Luci, Dani Sousa, Irene García e Anita Rivera (quinteto inicial). Tamén xogaron, Agostina Chiesa, Jane, Martita, Julia Dupuy, Luísa Mayara,
Goles: 0-1, min. 2 Dani Sousa. 0-2, min. 7 Dani Sousa. 1-2, min. 34 Irene Samper. 2-2, min. 39 Ale de Paz. 3-2, min. 40 Ale de Paz
Incidencias: Vista Alegre. Partido aprazado da Xornada 17. Colexiados, Roberto Amor Vizoso e Borja Darriba Villamor. Recibiu cartolina amarela Luci no Poio Pescamar.
Relacionadas:
-
O Poio Pescamar golea o Leganés para seguir en postos de playoff (5-2)
Por Almu Dapena & Cristina Saiz |
-
O Poio Pescamar métese na final da Copa Galicia tras superar o Cidade das Burgas (3-2)
Por Redacción |
-
O Poio Pescamar regresa á zona nobre con goleada en Alacante (0-4)
Por Almu Dapena |
-
Achega de 30.000 euros do Concello para o primeiro equipo do Poio Pescamar
Por Redacción |
-
Burela e Poio Pescamar recuperarán o seu partido aprazado o día 26 de marzo
Por Redacción |
-
Un Poio Pescamar desacertado perde pola mínima ante o Roldán (0-1)
Por Almu Dapena |
-
Sólido triunfo do Poio Pescamar ante un Atlético Torcal estrelado ante o muro Caridad (0-3)
Por Almu Dapena |
-
O Poio Pescamar cae nos penaltis co Sala Zaragoza e despídese da Copa da Raíña (3-2)
Por Almu Dapena |