O Bádminton Ravachol xogarase en Eivissa a súa permanencia na máxima categoría
Por Redacción
Xa hai rival para a eliminatoria pola permanencia que definirá o futuro do Club Bádminton Ravachol Pontevedra na División de Honra.
O club pontevedrés pechou a fin de semana a fase regular da competición cunha intrascedente derrota na casa fronte ao Arjonilla (3-4), ao non ter posibilidade de abandonar o último posto do seu grupo, e xa mira cara ao play-out que se disputará o 26 ou 27 de marzo.
O seu destino será Eivissa, despois que o UD Ibiza-Pitius cedese na última xornada contra o CB Granada caendo ao cuarto posto do Grupo B.
Será unha eliminatoria a todo ou nada na que o Ravachol espera recuperar a xogadores importantes que perderon as últimas xornadas por lesión.
No que respecta ao duelo que pechaba a primeira fase ante o Arjonilla, os pontevedreses presentaron unha formación case na súa totalidade galega con Lucía Rodríguez, Manuel Brea, Jacobo Fernández e Ana Carbón, coa excepción de Ania Setién e nun equipo que completaba o canteirán Xosé Manuel García debutando con 17 anos na máxima categoría.
Relacionadas:
-
O Ravachol, un ano máis na elite do bádminton nacional: derrota o Ibiza pola permanencia
Por Alejandro Espiño |
-
O Bádminton Ravachol brilla no Campionato Galego Absoluto
Por Redacción |
-
Un problema cardíaco aparta da competición a Gabriel Fernández, xogador do Bádminton Ravachol
Por Diego Espiño |
-
O Ravachol complícase na casa do Benalmádena (4-3)
Por Redacción |