O dobrete de Seoane suma á defensa ao festival goleador do Pontevedra
Por Diego Espiño
O Pontevedra Club de Fútbol volve sorrir despois da súa goleada na casa do Arenteiro, que lle permite depender de si mesmo na pelexa polo primeiro posto do grupo que dá dereito a ascender directamente de categoría.
Entre outros aspectos recuperados no Carballiño atópase a pegada e eficacia goleadora. Os granates levaban dúas xornadas secos, pero de novo atoparon o olfacto confirmándose como un dos equipos máis eficaces da categoría. De feito nesta estatística, con 44 goles a favor en 22 xornadas que fan xusto unha media de dúas por encontro, non atopan comparación no Grupo I e en toda a Segunda RFEF só é superada polo Córdoba (57 goles a favor).
Os 44 tantos do Pontevedra superan de maneira clara aos logrados polo líder Unión Adarve (36), ou Leganés B (30), segundo e terceiro que máis marcan. Tanto é así que só os goles logrados polos seus dianteiros igualan ao filial pepineiro e supoñen máis dianas que dos 15 equipos cos que comparte grupo.
A pesar de non ver porta nas últimas xornadas Charles segue destacando como pichichi con 16 goles, seguido dun Rufo que suma 7 a pesar da súa longa convalecencia e que vén de anotar por primeira vez desde a lesión. Ademais Brais Abelenda suma 6 goles e Martín Diz uno máis.
Aínda cunhas cifras tan contundentes chamaba a atención que ningún defensa conseguira anotar nas primeiras 21 xornadas, unha xeira que rompeu Diego Seoane no Carballiño cun dobrete.
En cambio a achega desde a segunda liña, a dos centrocampistas, está a ser importante con 4 goles de Alberto Rubio, 3 de Álex González (que xogou de lateral en numerosos partidos), 2 de Yelko Pino e 1 gol de Javi Rey, Iñaki e Romay.
Este festival goleador compensa os 22 goles recibidos, cunha estatística de nove xornadas consecutivas sen conseguir deixar a súa meta a cero. Neste apartado os granates son sextos do seu grupo superados polo Salamanca (14 goles), Coruxo (19), Leganés B (19), Compostela (19) e Navalcarnero (21), empatados co Unión Adarve.
Relacionadas:
-
O árbitro, triste protagonista nun polémico empate do Pontevedra contra o Marino (0-0)
Por Diego Espiño & Cristina Saiz |
-
Ángel Rodríguez: "Para moitos o gusto é que xogue con dous dianteiros fixos, Charles e Rufo, pero para min o gusto é outro"
Por Diego Espiño |
-
Marino de Luanco, unha volta despois do partido que supuxo un punto de inflexión para o Pontevedra
Por Diego Espiño |
-
Rufo recupera o sorriso e deixa atrás a sombra da súa lesión: "Pensaba que me ían a quedar secuelas"
Por Diego Espiño |
-
Ángel Rodríguez: "El equipo ha vuelto a ser el que era fuera de casa"
Por Almu Dapena |
-
Sólido triunfo do Pontevedra no Carballiño (1-5) para colocarse a tiro de pedra do líder
Por Diego Espiño |
-
David Soto cede a súa condición de xogador con máis minutos no Pontevedra
Por Diego Espiño |