O PP pide atrasar ao verán a renovación do campo de fútbol da Xunqueira II
Por Redacción
O concelleiro do Partido Popular de Pontevedra e encargado da área de Deportes, Guille Juncal, valorou os tempos que manexa o Concello para a renovación do céspede artificial do campo de fútbol número 2 do complexo municipal Manolo Barreiro, na Xunqueira, para pedir ao goberno local que acometan os traballos no verán cando conclúa a tempada.
A intención do goberno municipal é realizar esta obra nos próximos meses, ao que Juncal afirmou compartir “a necesidade de intervir o céspede da Xunqueira II, pero non cremos que sexa razoable facelo coa tempada xa empezada”.
O edil popular propón “aguantar ata verán e, unha vez terminada a tempada, intervir inmediatamente para que as obras desenvólvanse no verán e non perturben a actividade dos clubs”. Neste sentido, Juncal cuéstionase por que non se aproveitou o parón da pandemia para levar a cabo uns traballos que era coñecido que eran necesarios.
“Non cremos que sexa o momento oportuno, pero queremos coñecer cal é a previsión da Concellería de Deportes. Os clubs están intranquilos: Onde se lles vai a situar? Canto estiman que van durar as obras? Hai algún tipo de informe que avale a posibilidade de recolocar a todos eles sen que sufran modificacións importantes nos seus adestramentos ou partidos?”, pregúntase o concelleiro.
Nesta liña, Juncal explicou que as obras deste tipo “deberían ser previamente consultadas cos clubs e usuarios, trasladarlles toda a información, explicarlles a alternativa que se lles ofrece e tratar de perturbar a actividade deportiva o menos posible, máis nun momento como este, que vimos dun ano case en branco para case todos os clubs deportivos", remata.
Relacionadas:
-
Un mes máis de prazo para culminar a reposición do céspede artificial dun dos campos da Xunqueira
Por Redacción |
-
Luns 29 de novembro, data de inicio para a reforma do segundo campo de fútbol da Xunqueira
Por Redacción |
-
Tino Fernández, sobre a non entrada de pais e nais aos partidos de base: "Son ganas de leria por parte dalgúns"
Por Diego Espiño |
-
Pais e nais condenados, polo momento, a ver os partidos dos seus fillos desde a rúa
Por Diego Espiño | Creada e actualizada
-
Ponte Sampaio estrea o seu novo campo de fútbol
Por Redacción & Cristina Saiz |
-
Pontevedra renovará o céspede artificial dun dos campos de fútbol 11 da Xunqueira
Por Redacción |