O piragüismo pontevedrés regresa sen medallas do Europeo de Poznan
Por Redacción
O piragüismo pontevedrés, representando á Selección Española, regresou do Europeo celebrado en Polonia con boas sensacións pero sen medallas.
Diego Romero, do Náutico O Muíño, quedou ás portas do podio no C1 5000 metros, logrando o cuarto posto (23:52.337).
Pola súa banda, María Pérez, do Náutico O Muíño, e Patricia Coco, do Deportivo Cisne, non tiveron opcións de medalla na final do C2 200 ao terminar sétimas (48.601).
Noel Domínguez e David Barreiro, do Breogán, chegaron en oitavo lugar na final do C2 1000 metros, mesma posición que o cuarteto formado por Sara Ouzande (Kayak Tudense), Laia Pelachs (Natació Banyoles), Miriam Vega (Real Grupo de Cultura Covadonga) e Carolina García (EP Ciudad de Pontevedra) na proba de K4 500 metros.
En canto ás medallas do equipo español, Alberto Pedrero (Aranjuez) e Pablo Graña (Cangas) en C2 200, e Joan Toni Moreno (Port de Pollença) en C1 200, colgáronse o ouro. A prata conseguírona Begoña Lazkano ( Banyoles) e Laia Pelachs (Donostia) en K2 1000 metros.
Relacionadas:
-
Pontevedra será sede do Trofeo Xacobeo de Piragüismo no que participarán 1500 deportistas de España e Portugal
Por Almu Dapena & Cristina Saiz |
-
Boa imaxe do piragüismo pontevedrés no Campionato de Europa que se está celebrando en Polonia
Por Redacción |
-
Antía Jácome xogarase na 'casa' a súa presenza nos Xogos de Tokyo, o 1 e 2 de xullo
Por Diego Espiño |