Como aprender kiteboard, wíndsurf ou vela da man de campións olímpicos ou do Mundo
Por Diego Espiño
Gisela Pulido, nove veces campioa do Mundo de kiteboard, inaugura este venres 6 de setembro na Lanzada as clases maxistrais que a Federación Galega de Vela e Movistar organizarán ata finais do mes de outubro en Galicia.
A iniciativa permitirá aos afeccionados dos deportes náuticos aprender dos mellores regatistas do Mundo, como recoñece o director técnico da Federación Galega Alberto García: "podrán preguntar aspectos técnicos, tácticos o como preparan una competición. Son gente llena de títulos y conocimientos, queremos que ese conocimiento pase a los chavales".
Na bisbarra a citada Gisela Pulido impartirá unha clase de kiteboard na Lanzada, Silvia Mas fará o propio coa clase optimist en Sanxenxo, ao igual que Pedro Campos a bordo do Telefónica Negro que realiza regatas oceánicas, mentres Fernando Echávarri se centrará na vela das clases Omega e Láser en Vilagarcía de Arousa.
O calendario completo da iniciativa é o seguinte:
FECHA | DEPORTISTA | ESPECIALIDAD | LUGAR |
---|---|---|---|
6 Setembro | Gisela Pulido | Kiteboard | Praia de A Lanzada |
21 Setembro | Iván Pastor | Windsurf | Praia de Oza (A Coruña) |
28 Setembro | Silvia Mas | Optimist | Sanxenxo |
5 Outubro | Fernando Echávarri | Vela: Omega y Láser | Vilagarcía de Arousa |
6 Outubro | Iker Martínez | Vela: Hobie Cat | Praia América, Nigrán |
12 Outubro | Támara Echegoyen | Vela: Crucero | Portosín (A Coruña) |
19 Outubro | Pedro Campos | Vela: Telefónica Negro | Sanxenxo |
26 Outubro | Pedro Campos | Vela: Telefónica Negro | Vigo |
Relacionadas:
-
O campión olímpico Fernando Echavarri, profesor de luxo en Vilagarcía
Por Redacción |
-
Fernando Echávarri, adestrador por un día no Centro Galego de Vela
Por Redacción |
-
20 mozos regatistas gozan da clase maxistral de Silvia Mas en Sanxenxo
Por Redacción |
-
A campioa de España Silvia Mas compartirá a súa experiencia cos regatistas galegos de Optimist
Por Redacción |