O Arxil comezará a Liga xogando no Estadio da Xuventude ante o Universitario de Ferrol
Por Redacción
O Arxil comezará a liga o sábado 26 de outubro xogando como local ante o Universitario de Ferrol. Logo tócalle viaxar a Lugo para enfrontarse ante o Ensino e recibir o recén ascendido Guadalupe Café Barco.
O derbi ante o Cortegada será en primeiro lugar en Vilagarcía o 11 de xaneiro e a volta o 29 de marzo no Estadio da Xuventude. A liga pecharase no Estadio da Xuventude o sábado 12 de marzo ante o Cáceres (igual que na pasada tempada).
O director deportivo do Arxil, Lino Vázquez, asegura que o inicio do campionato é "moi esixente" xa que na súa opinión "nos enfrontamos nas dúas primeiras xornadas ante dous equipos que van estar moi arriba na clasificación e que disputaron a fase de ascenso á Liga feminina en Cáceres", non obstante Lino Vázquez valora positivamente "ter conseguido o obxectivo de comezar xogando como local e rematar a Liga no último partido como local".
"Queremos comezar a liga moi fortes e comezaremos a adestrar o 26 de agosto se todo segue a súa canle normal. Entre a Copa Galicia e un torneo que temos apalabrado en Portugal, esperamos ser capaces de xogar entre 5 e 6 partidos de pretempada", concluíu.
Relacionadas:
-
Andrea Carrera confirma a súa continuidade por segundo ano no Arxil
Por Redacción |
-
A base Carla Fernández estará por cuarta tempada consecutiva no Arxil
Por Redacción |
-
O C.B. Arxil xa coñece aos seus rivais para a Tempada 2013/2014
Por Redacción |
-
A aleiro do Celta de Vigo, María González Centeno, ficha polo Arxil
Por Redacción |
-
Semana crave para pechar o grupo de xogadoras do Club Baloncesto Arxil
Por Redacción |