O Estadio Municipal de Pasarón vivirá o vindeiro domingo (17:00 horas) o seu terceiro encontro en só sete días co duelo entre Pontevedra e Unionistas de Salamanca, dous dos conxuntos máis en forma de toda a Segunda B.

Nas últimas 10 xornadas de liga, tanto os granates como o equipo salmantino sumaron 19 puntos, só superados polo Atlético de Madrid B (21 puntos), o que lles levou a ocupar a quinta e a oitava posición da táboa. A pesar diso Unionistas chegará á Boa Vila tras caer a pasada xornada en Bouzas.

"Vienen de hacer muchos puntos y jornadas sin perder, lo que demuestra que parar ganarles cuesta mucho, son muy sólidos", asegura Luismi sobre un rival que cualifica de "muy correoso" e que "tiene muy claro a lo que jugar".

O técnico granate perde para a cita a Berrocal e Álex González por sanción, pero si poderá contar con Adrián Mouriño a pesar da súa expulsión o mércores en Copa, xa que ao tratarse dunha sanción de carácter leve (1 partido de suspensión" cumprirá o castigo no torneo copeiro. 

Precisamente o substituo de Berrocal no centro do campo é un dos principais interrogantes nos granates, con varias opcións abertas que inclúen a Adrián León, que en Copa Federación probou nesa demarcación. "Es una alternativa que tenemos", recoñeceu Luismi.

As entradas para o encontro terán un prezo de 25 euros na bancada de Tribuna, 15 en Preferencia e 10 euros nos fondos, e o colexiado encargado de impartir xustiza será o asturiano Leandro Carbajales Gómez.