O Natación Galaico revalida o seu título de campión galego de inverno
Por Redacción
O Club Natación Galaico mantén o seu dominio a nivel autonómico tras revalidar o seu título no Campionato Galego de Inverno.
O conxunto pontevedrés encabezou a clasificación xeral por equipos tras tres días de competición, do 28 ao 30 de decembro, celebrados na piscina de Santa Isabel, en Santiago de Compostela.
Tratábase da última competición do ano, e o Galaico acumulou 46.743 puntos para impoñerse por diante do CN Liceo (45.015 puntos) e o Club del Mar (41.301), segundo e terceiro respectivamente.
Por categorías, o Galaico impúxose na masculina (25.476 puntos) superando ao Club del Mar en só tres puntos, mentres que na feminina finalizaron en segundo lugar (21.267 puntos) por detrás do CN Liceo (22.079).
CARLA GOYANES, CONVOCADA POLO EQUIPO NACIONAL
O ano comezará para unha das deportistas do Natación Galaico, Carla Goyanes, cunha concentración co equipo nacional de augas abertas, especialidade na que se consolidou nos últimos meses.
Goyanes está chamada a adestrar do 3 ao 20 de xaneiro na localidade francesa de Font Romeu, nun 'stage' no que tamén estará o adestrador do CGTD Fernando Zarzosa.
Relacionadas:
-
Cinco deportistas representarán o Galaico no Campionato de España Open de Natación
Por Redacción |
-
Boas sensacións de Carla Goyanes na Copa do Mundo de Doha de natación en augas abertas
Por Redacción |
-
Nova experiencia para Carla Goyanes na Copa do Mundo de natación en augas abertas
Por Redacción |
-
O Galaico ponse a ton cun segundo posto no Campionato Galego de Longa Distancia
Por Redacción |
-
Dous nadadores do Galaico, incluídos no Grupo Especial de Seguimento da Federación Galega
Por Redacción |
-
O Galaico pecha o Nacional de Inverno cun cuarto posto de Bea Gómez como mellor resultado
Por Redacción |