Dous nadadores do Galaico, incluídos no Grupo Especial de Seguimento da Federación Galega
Por Redacción
A formación de novos nadadores para un futuro desenvolvemento deportivo a nivel de elite é o obxectivo da Federación Galega de Natación (Fegan) a través do Grupo Especial de Seguimento, no que pon os seus ollos nos novos talentos a nivel autonómico.
Entre eles atópanse dous deportistas do Club Natación Galaico, Pablo Martín e Alicia Bouzas, ambos os dous incluídos na selección de 28 nadadores realizada polos técnicos federativos.
Tanto Martín como Bouzas, nacidos no ano 2005, acudirán agora ás sesións de adestramento que se realizarán no Centro Galego de Tecnificación Deportiva de Pontevedra co obxectivo de mellorar os seus hábitos de adestramento e a técnica nos diferentes estilos da natación.
A Fegan pretende ademais con este programa realizar un control dos deportistas para futuras concentracións e competicións coa Selección Galega ou coa Nacional.
As xornadas de adestramento previstas no Grupo Especial de Seguimento, que coincidirán en venres, son: 14 de decembro, 18 de xaneiro, 22 de febreiro, 8 de marzo, 12 de abril, 24 de maio e 21 de xuño.
Relacionadas:
-
Experiencia internacional para as grandes promesas da natación galega
Por Redacción |
-
O Natación Galaico revalida o seu título de campión galego de inverno
Por Redacción |
-
O Galaico ponse a ton cun segundo posto no Campionato Galego de Longa Distancia
Por Redacción |
-
O Galaico céntrase na Copa de España de natación "sen renunciar a nada"
Por Redacción |
-
Carla Goyanes pon rumbo a Xapón
Por Redacción |
-
O Galaico pecha o Nacional de Inverno cun cuarto posto de Bea Gómez como mellor resultado
Por Redacción |