O Bádminton Ravachol Pontevedra, listo para a súa estrea na Primeira Nacional
Por Redacción
Con ambición. Así encara o Club Bádminton Ravachol o que será o seu debut na Primeira Nacional.
O club pontevedrés, no seu primeiro ano na categoría, quere pelexar por estar nos postos altos da clasificación e, por que non?, polo ascenso á División de Honra.
O conxunto dirixido por Jesús Pereiro viaxa esta fin de semana a Oviedo coa mochila cargada de ilusión e só unha baixa, a da internacional Elena Andreu ao atoparse co equipo nacional nos Xogos Olímpicos da Mocidade.
O primeiro rival do Ravachol en liga será o Club do Mar da Coruña, mentres que o segundo duelo será ante os anfitrións da xornada, o CB Oviedo, ambos os dous programados para a xornada do sábado 6 de octubre.
Pola súa banda o domingo o rival será o CB Aspe da Comunidade Valenciana, un vello coñecido do equipo pontevedrés ao que xa se enfrontou o pasado mes de marzo na fase de ascenso de Mallorca.
Relacionadas:
-
O Cidade de Pontevedra de badminton sobe de categoría e xa é un referente galego
Por Alejandro Espiño |
-
Bronce para Raquel Miguens no máster de Cantabria de badminton
Por Redacción |
-
Debut agridoce do Bádminton Ravachol Pontevedra na liga de Primeira Nacional
Por Redacción |
-
Positiva estrea de tempada para o Bádminton Ravachol
Por Redacción |
-
Elena Andreu renova polo Bádminton Pontevedra que ficha tamén á cubana Cristina González
Por Redacción |