Luisito xa non é adestrador do Pontevedra
Por Diego Espiño
A etapa de José Luís Míguez 'Luisito' como adestrador do Pontevedra Club de Fútbol chegou ao seu fin.
O club decidiu substituir ao técnico despois dunha primeira volta de competición que rematou co equipo no posto de play-out pola permanencia.
O Consello de Administración presidido por Lupe Murillo comunicou a Luisito a súa decisión, coa esperanza de que o cambio supoña un revulsivo e permita afastarse da zona de descenso.
O cambio do adestrador chega en plenas vacacións do equipo, que non volverá ao traballo ata despois de Nadal, e tras nove xornadas sen coñecer a vitoria en liga. De feito, desde a dimisión de Luisito en Talavera e a súa posterior ratificación no cargo por parte do Consello o Pontevedra só logrou sumar 5 de 18 puntos posibles, e o que é peor, a imaxe nas últimas xornadas reflectiu certa impotencia no plantel.
Unha vez tomada a decisión a dirección deportiva traballa en buscar un substituto para o posto, coa intención de que poida xa facerse cargo do equipo cando volva aos adestramentos e con dúas semanas de marxe ata o inicio da segunda volta da liga, o 7 de xaneiro ante o Celta B.
Relacionadas:
-
Luismi asume o mando no Pontevedra á espera do novo adestrador
Por Diego Espiño & Mónica Patxot |
-
Á caza do novo adestrador
Por Diego Espiño | Creada e actualizada
-
VÍDEO.- Luisito despídese "cunha mochila cargada de orgullo" por ter adestrado "a un club inmenso"
Por Diego Espiño & Mónica Patxot |
-
Un final gris que embaza tres anos de paixón na banda
Por Diego Espiño |
-
Semana de descanso... e reflexión
Por Redacción |
-
Luisito explota tras a nova derrota granate e carga contra todos en rolda de prensa
Por Ramiro Espiño |
-
Un autogol condena un Pontevedra sen alma fronte o Atlético de Madrid B (0-1)
Por Ramiro Espiño & Diego Torrado |
-
Luisito promete traballo na volta aos adestramentos: "O que non quería era ser un estorbo"
Por Diego Espiño |
-
O Consello de Administración do Pontevedra non acepta a dimisión de Luisito
Por Diego Espiño & Diego Torrado |
-
Luisito presenta a súa dimisión tras a derrota en Talavera
Por Diego Espiño |