170 quilos de solidariedade no XIX Campionato de Pesca Submarina Virxe Peregrina
Por Redacción
Un ano máis o Club Acuático Sotavento organizou o tradicional campionato de pesca submarina Virxe Peregrina, na súa XIX edición.
A competición desenvolveuse na praia da Barrosa, no Grove.
Con todo o final da xornada tivo lugar en Pontevedra, coa versión máis solidaria da competición.
O total do peixe capturado durante o campionato, 170 quilos en total, entre todos os participantes, foi doado á Fundación Amigos de Galicia para a súa distribución entre familias con dificultades económicas.
Ao acto de entrega acudiron, ademais dos responsables da organización, persoal da Fundación Amigos de Galicia e a concelleira de Deportes de Pontevedra, Anxos Riveiro.