O Arxil comezará a liga na casa fronte o Siglo XXI catalá
Por Redacción
Xa coñecía os seus rivais, pero agora tamén a orde ao que se enfrontará na súa nova aventura na Liga Feminina 2. O Arxil arrancará a liga en casa. Será o 30 de setembro fronte ao Siglo XXI catalán. Así quedou determinado tras o sorteo realizado pola Federación Española de Baloncesto.
O primeiro desprazamento realizarase na segunda xornada coa súa visita ao Universidad de Oviedo e, xa no terceiro partido, producirase o primeiro derbi da tempada. O pavillón do Centro Galego de Tecnificación Deportiva recibirá ao Celta Zorka.
O mes inicial de competición pecharase cun novo derbi, o que levará ás xogadoras pontevedresas a Lugo para enfrontarse ao Durán Maquinaria Ensino.
O outro derbi, co Cortegada, será o 16 de decembro no CGTD de Pontevedra. A primeira volta pecharase o 6 de xaneiro na pista do Ascensores Tresa-Basket Mar.
O calendario completo pódese consultar nesta ligazón.
Con respecto á confección do plantel, o club asegura que unha vez que se confirmaron as renovacións de Arancha, María Lago, Carla e Cristina Díaz-Pache, xunto coa fichaxe de Narlyn, "déronse pasos axigantados nas renovacións das xogadoras que faltan e nunha nova incorporación".
Se se confirman estas operacións, sinalan desde o club, completarase un persoal "moi competitivo" para a nova tempada de Liga Feminina 2.
Relacionadas:
-
Pretempada definida no Club Baloncesto Arxil
Por Redacción |
-
O Arxil ata a continuidade de Aldara Vázquez por unha tempada máis
Por Redacción |
-
Ana Román, renovada nun Arxil que avanza para pechar o plantel da próxima tempada
Por Redacción |
-
A alero Charles Chantel ficha polo CB Arxil
Por Redacción |
-
Alivio no Arxil por evitar aos equipos canarios na repartición de grupos da Liga Feminina 2
Por Redacción |
-
O Arxil cumpre cos requisitos da FEB e inscríbese en Liga Feminina 2
Por Redacción |
-
Renovación no Arxil, que acorda a continuidade de Cristina Díaz-Pache
Por Redacción |