Ana Román, renovada nun Arxil que avanza para pechar o plantel da próxima tempada
Por Redacción
O Arxil continúa dando pasos para completar o seu plantel para unha nova tempada en Liga Feminina 2. O club confirmou a renovación de Ana Román por un ano máis. Será a súa cuarta tempada na disciplina pontevedresa.
A xogadora volverá ser determinante, destacan desde o club, na zona do equipo xunto a Cristina Díaz-Pache e Narlyn.
Na pasada tempada, Román disputou 24 partidos de liga cunha media de 9.5 puntos e 4.3 rebotes por encontro.
O club lembra que se caracteriza pola súa experiencia, polo seu saber estar na zona, pola súa actitude tanto en defensa como en ataque ou pola súa decisión de cara ao aro visitante.
Con esta renovación, o Arxil conta xa como bases con Carla Fernández e Arancha Mallou, como aleros con María Lago e Chantel Charles e coas pivote Ana Román, Cristina Díaz-Pache e Narlyn Mosquera
Desde o club seguen falando con xogadoras da casa para pechar o persoal.
Relacionadas:
-
Pretempada definida no Club Baloncesto Arxil
Por Redacción |
-
Noa Casalderrey, outra xogadora da casa para o primeiro equipo do Arxil
Por Redacción |
-
O Arxil ata a continuidade de Aldara Vázquez por unha tempada máis
Por Redacción |
-
A alero Charles Chantel ficha polo CB Arxil
Por Redacción |
-
O Arxil comezará a liga na casa fronte o Siglo XXI catalá
Por Redacción |
-
Renovación no Arxil, que acorda a continuidade de Cristina Díaz-Pache
Por Redacción |