Águeda Cons brilla con luz propia en Israel e logra a súa segunda medalla no Europeo Junior
Por Diego Espiño
Espectacular. Así pode definirse a actuación ata o momento de Águeda Cons no Campionato de Europa Junior de natación que se está a celebrar na localidade de Netanya, Israel.
Se a súa estrea na competición foi sobresaliente, cunha medalla de prata no 800 libre, este xoves a nadadora pontevedresa volveu pisar podio ao ser segunda no 400 libre.
O seu tempo de 4:10.13 supón un novo record galego absoluto nos 400 libre
A xesta é maior se se ten en conta que, do mesmo xeito que no 800, rebaixou a súa mellor marca persoal no mellor momento posible, no medio dunha final internacional. Nesta ocasión a deportista do Galaico nadou tres segundos máis rápido do seu mellor rexistro ata a data cun tempo de 4:10.13.
Este tempo supón ademais batir o record galego absoluto, que ata a data estaba en poder da olímpica María Vilas (4:11.91).
A única deportista que foi máis rápida na proba foi a húngara Ajna Kesely (4:08.25), que xa a venceu no 800 libre, mentres a medalla de bronce foi para a eslovena Katja Fain (4:11.36)
A participación de Águeda Cons no Campionato de Europa Junior aínda non concluíu, xa que a pontevedresa está inscrita aínda en dúas probas máis, o 1.500 libre e a remuda 4x200 libre.
Relacionadas:
-
Bronce! Águeda Cons logra no 800 libre a súa primeira medalla no Mundial Junior de natación
Por Diego Espiño |
-
Águeda Cons estréase no Mundial Junior de Indianápolis cun sexto posto na remuda
Por Redacción |
-
A piscina de Pontemuíños, lista para acoller a gran cita da natación galega
Por Diego Espiño |
-
VÍDEO.- Cálido recibimento a Águeda Cons tras as súas tres medallas no Europeo Junior de natación
Por Diego Espiño & Mónica Patxot |
-
Tres de tres! Águeda Cons consegue no 1.500 a súa terceira medalla de prata no Europeo Junior de natación
Por Diego Espiño |
-
Águeda Cons, subcampioa de Europa junior de natación en Israel
Por Diego Espiño |
-
Águeda Cons afina a súa posta a punto para o Campionato de Europa Junior de Natación
Por Redacción |
-
Brillante papel do Galaico en Xixón rozando o ascenso a División de Honra
Por Redacción |
-
O Galaico revalida o título de campión da Liga Galega de División de Honra
Por Redacción & Cristina Saiz |