Inmellorable inicio do Voleibol Pontevedra na Primeira División Galega
Por Redacción
Dúas xornadas de liga na Primeira División Galega Feminina, e dúas vitorias para o Club Voleibol Pontevedra.
O equipo pontevedrés agarrouse á segunda posición da clasificación despois dun gran inicio de tempada, só superado polo momento polo VoleyOurense, que tamén conta os seus partidos por triunfos.
O CVP debutou na pista do XAV Cambados na primeira xornada, gañando no quinto set.
Igualado foi tamén a súa estrea na casa, no Centro Galego de Tecnificación Deportiva, ante un Xiria moi combativo. Os bos servizos de saque na recta final de cada set axudou a que o desenlace fose positivo tras catro mangas (25-23, 25-22, 18-25 e 25-21)
A próxima xornada tocará descanso para o cadro pontevedrés, que non volverá á competición ata o día 29 de outubro recibindo en casa ao San Sadurniño.