A cuarta tempada o Poio Pescamar na elite arrancará o 10 de setembro en Pamplona
Por Redacción
O novo proxecto do Poio Pescamar, de novo con Marcio Santos á fronte da nave vermella, xa coñece o camiño que se atopará no que é o seu cuarto ano na Primeira División Feminina de fútbol sala.
O cadro pontevedrés debutará na liga o día 10 de setembro, pero farao lonxe de Galicia visitanto a cancha do UDC Txantrea de Pamplona.
Unha semana despois, o 17 de setembro, o pavillón da Seca acollerá o seu primeiro encontro da tempada cun derbi galego ante o Ourense CF.
O tradicional parón da competición, a final de ano, chegará despois da xornada 12, na que o Poio recibirá ao Majadahonda (26 de novembro). Tras ese encontro non se retomará a liga na máxima categoría ata o 7 de xaneiro, data na que deberán visitar a pista do UCAM Murcia.
Pola súa banda a última xornada, fixada para o 3 de xuño, deparou un enfrontamento entre o Poio Pescamar e o FSF Rioxa na Seca.
Consulta aquí o calendario completo da competición.
DESPEDIDA DE CLAUDIA
Despois de desvincularse do equipo, Claudia, despediuse do que foi o seu club cunha emotiva carta.
A xogadora múdase a Madrid por "unha oportunidade formativa e laboral" e xogará nun dos grandes da categoría, o Futsi Atlético Féminas.
"Cheguei con 15 anos sendo a mascota do equipo e voume con 21 sendo case a nai", sinalou a futbolista, que chegou a ser internacional absoluta vestindo a camiseta vermella nunha etapa que cualificou de "soño" por xogar "ao máximo nivel defendendo a camiseta que sentes".
Relacionadas:
-
Punto de partida ao cuarto ano do Poio Pescamar na elite
Por Redacción |
-
Goles para o Poio Pescamar coa fichaxe de Patri Corral
Por Redacción |
-
Ceci regresa ao Poio Pescamar
Por Ramiro Espiño |
-
Marcio Santos regresa ao Poio Pescamar
Por Redacción |
-
Jorge Basanta abandona o Poio Pescamar por "motivos persoais"
Por Redacción |
-
O Poio Pescamar cadete repite proeza e suma o seu cuarto título nacional consecutivo
Por Redacción |