Lara Outón estrea o medalleiro pontevedrés no Europeo de piragüismo maratón
Por Diego Espiño & Mónica Patxot
Primeira xornada de regatas elite no Campionato de Europa de Piragüismo Maratón, que se está celebrando no río Lérez, e primeira medalla para un deportista da comarca.
Levouna a junior Lara Outón (Breogán do Grove) cun bronce grazas ao seu terceiro posto no C-1 xuvenil. A padeeira galega completou os 19 quilómetros de percorrido en 1 hora, 37 minutos e 23 segundos, aínda que lonxe da primeira posición. A gañadora nesta categoría foi a húngara Panna Palfia, seguida na segunda praza da alemá Julia Dunkel.
Preto do podio quedou un dos seus compañeiros de equipo no Breogán, Noel Domínguez, tamén na canoa, ao ser cuarto no C-1 junior tras unha proba que dominou de inicio pero na que pagou o seu esforzo nos primeiros quilómetros cando o grupo que lle perseguía deulle caza.
Nunha xornada na que o protagonismo era para os deportistas junior e sub-23, o gran dominador como equipo foi Hungría, gañador cun dos seus padexeiros en catro das cinco probas disputadas este xoves (Consulta aquí todos os resultados).
A competición retómase este venres, desde as 11:15 horas, co resto de probas junior e sub-23.
Relacionadas:
-
Lores, sobre o Mundial de Piragüismo Maratón: "Se non é no 2020 será no 21"
Por Diego Espiño |
-
Dobrete pontevedrés en C-2 para pechar un exitoso Campionato de Europa de Piragüismo Maratón
Por Diego Espiño & Diego Torrado |
-
Ouro continental para Tono Campos e bronce para Raquel Rodríguez nunha espléndida xornada de piragüismo
Por Diego Espiño & Diego Torrado |
-
Xornada sen medallas para os padexeiros locais no Europeo de maratón
Por Redacción |
-
Quenda para os elite no Europeo de Maratón
Por Diego Espiño & Mónica Patxot |
-
Os deportistas Master enchen de cor o río Lérez na estrea do Europeo de Piragüismo Maratón
Por Mónica Patxot |
-
Como seguir e gozar o Campionato de Europa de Piragüismo Maratón
Por Diego Espiño |