Lourdes Domínguez cae na fase previa de Wimbledon
Por Redacción
Por segundo ano consecutivo Lourdes Domínguez non estará presente no cadro final do segundo Grand Slam do ano, Wimbledon.
A tenista pontevedresa despediuse das pistas de herba do All England Club londiniense no seu primeiro partido da previa, ao verse sorprendida pola británica Gabriella Taylor.
Lourdes cedeu nun apertado encontro ante a xoven deportista local, número 419 do ránking WTA e de só 18 anos.
Taylor fíxose coa primeira manga por 7 xogos a 5, mentres o segundo e definitivo set decidiuse no 'tie break'.
Lourdes Domínguez chegaba a Wimbledon tras avanzar ata semifinais no ITF de Marsella e caer en primeira rolda doutro torneo ITF de Essen (Alemaña) nas últimas semanas.