Poio Pescamar falla ante o gol e dá aire ao FSF Rioja (2-1
Por Redacción
Sen nada en xogo, o Poio Pescamar regresa con derrota de Logroño, onde o FSF Rioja impúxose pola mínima (2-1), conseguindo tres puntos vitais para elas que permiten ao conxunto dirixido por Carlos Moreno saír dos postos de descenso, á conta do Valdetires Ferrol. As mozas de Jorge Basanta dominaron e foron superiores, pero pagaron a súa falta de acerto ante o gol, desperdiciando claras ocasións de marcar.
O partido empezou con dominio local, que lle permitía adiantarse aos dous minutos, por mediación da novísima Patri, quen con tan só quince anos conseguía irse en xogada persoal de varias xogadoras para bater a Irene de disparo cruzado.
Aos poucos o Poio Pescamar pasou a dominar, ata facelo de forma completa, pero unha e outra vez estrelábase ante o bo facer defensivo da escuadra rioxana.
O empate chegaba pouco antes do descanso. Sería obra de Suki á saída dunha falta indirecta ao bordo da área, cun disparo raso por baixo da barreira.
Coas visitantes dominando chegouse ao descanso, dominio que se mantivo na segunda metade, na que o Poio Pescamar seguiu acumulando ocasións de gol sobre a portería de Jessy, pero o bo facer defensivo das rioxanas permitíalles defender con acerto a súa parcela, ata que a sete minutos do final de novo Patri conseguiría marcar, cunha volea a pase de Carmen, adiantando outra vez ao equipo local.
Dous minutos despois, Gloria era expulsada nas locais por dobre cartolina amarela, pero o Poio tampouco soubo aproveitar os dous minutos de superioridade numérica para polo menos conseguir o empate.
A tres minutos do final as galegas optaban polo xogo de cinco, pero o Rioxa soubo aguantar para sumar un valioso triunfo que lle saca temporalmente dos postos de descenso.
FSF RIOXA (2): Jessy; Rosa, Lucía, Carmen, Patri -cinco inicial-, Gloria, Paula e Martita.
POIO PESCAMAR (1): Irene; Jessi, Jennifer, Charo, Nerea -cinco inicial-, Claudia, Yoli, Ale de Paz, Elena e Suki.
Árbitros: Pérez Echegoyen e Sarabia García (Colexio rioxano). Amoestaron a Gloria (2 veces, expulsada no minuto 35) no Rioja, e a Elena e Jenny no Poio Pescamar.
Goles: (1-0) Minuto 2: Patri. (1-1) Minuto 17: Suki. (2-1) Minuto 33: Patri.
Incidencias: Palacio dos Deportes de La Rioja (Logroño). Preto de 200 espectadores.
Relacionadas:
-
A falta de tensión case lle custa o partido ao Poio Pescamar fronte ao pechacancelas Elche (4-2)
Por Redacción |
-
Último partido na casa para un Poio Pescamar que busca o seu record de puntos en Primeira
Por Redacción |
-
Goleada do Poio Pescamar ao Valdetires Ferrol (8-2) para certificar a permanencia
Por Redacción |
-
Móstoles FSF decide no último minuto o seu partido fronte a Poio Pescamar (3-2)
Por Redacción |