Choiva, barro e épica na segunda edición da Pontevedra 4 Picos
Por Diego Espiño & Diego Torrado
Épica. Así se pode definir a segunda edición da Pontevedra 4 Picos Bike & Trail, polo menos na parte máis numerosa, a da BTT, celebrada este sábado no medio dunhas complicadas condicións meteolóxicas.
Pouco lle importou con todo a choiva e o barro aos 1.883 valentes que tomaron a saída do sector de ciclismo, repartidos na opción curta de 65 quilómetros e a longa de 125 quilómetros. Só a saída, desde o interior do Recinto Feiral, viuse modificada con respecto aos plans iniciais.
Nunhas condicións que endureceron aínda máis a proba e que fixeron a moitos desistir antes do final, os participantes limitáronse simplemente a gozar e sufrir, a partes iguais, encima da bicicleta. Todo iso pasando polos catro picos da carreira e que rodean a cidade, como son o Lago de Castiñeiras, A Fracha, Monte Acibal e A Escusa.
O primeiro en completar o percorrido longo foi Javier Busto, cun tempo de 6 horas, 14 minutos e 58 segundos, seguido de Alberto Túñez e Brandán Márquez completando o podio xeral dunha carreira que, a pesar de todo, non era competitiva.
A Pontevedra 4 Picos Bike & Trail complétase este domingo coa carreira de montaña ou Trail, na que se inscribiron 351 deportistas.
Relacionadas:
-
A terceira edición da Pontevedra 4 Picos, camiño dos 2.000 participantes
Por Diego Espiño |
-
Preto do 700 deportistas inscribíronse xa na terceira edición da Pontevedra 4 Picos
Por Redacción |
-
A Pontevedra 4 Picos terá tamén versión en estrada coa Clásica Evaristo Portela
Por Redacción |
-
Un ultratrail de 55 quilómetros, novidade para a terceira edición da Pontevedra 4 Picos
Por Diego Espiño |
-
O Trail pon a guinda á segunda edición da Pontevedra 4 Picos
Por Redacción |
-
A Pontevedra 4 Picos Bike & Trail dobra a participación na súa segunda edición
Por Diego Espiño |
-
A 4 Picos Bike & Trail pasa dos 1.300 inscritos para a súa segunda edición
Por Redacción |
-
Apertura de inscricións para a 4 Picos Bike & Trail, que na súa segunda edición amplía prazas
Por Redacción |