A Pontevedra 4 Picos Bike & Trail dobra a participación na súa segunda edición
Por Diego Espiño
Pechado oficialmente o prazo de inscrición para a súa segunda edición, a Pontevedra 4 Picos Bike & Trail confirma o seu espectacular crecemento, ata case dobrar a cifra de participantes da súa estrea en 2015.
Nesta ocasión serán 2.371 os participantes, dos cales 2.020 farano nas dúas probas de BTT e 351 no Trail para converterse "na proba máis importante de Galicia" de BTT Maratón, asegura Josevi Cimadevila, organizador e respondable de Global DxT.
A proba de BTT disputarase o sábado 16 de abril, con saídas ás 8:30 e 9:15 horas para as modalidades longa e corta respectivamente, e o Trail queda esta vez para o domingo 17, saíndo ás 10:00 horas, en todos os casos desde a rúa Rafael Areses.
Alí instalarase unha zona cero que contará con "máis de 20 expositores de todo tipo", servizos ou actividades para adultos e maiores.
Para garantir a seguridade mobilizaranse ata 150 voluntarios, nunha proba que pola súa extensión (130 quilómetros na opción longa de ciclismo) necesitou a colaboración de 33 comunidades de montes.
A recollida de dorsais realizarase na entrada do Recinto Feiral desde as 16:00 horas do venres 15, segundo sinalaron desde a organización.
Nesta ocasión os 4 Picos se cobvierte ademais nunha carreira solidaria colaborando economicamente con parte da inscrición coa asociación Amencer.
Relacionadas:
-
O Trail pon a guinda á segunda edición da Pontevedra 4 Picos
Por Redacción |
-
Choiva, barro e épica na segunda edición da Pontevedra 4 Picos
Por Diego Espiño & Diego Torrado |
-
A 4 Picos Bike & Trail pasa dos 1.300 inscritos para a súa segunda edición
Por Redacción |
-
Apertura de inscricións para a 4 Picos Bike & Trail, que na súa segunda edición amplía prazas
Por Redacción |
-
A '4 Picos Bike & Trail' terá segunda edición en 2016 e márcase como obxectivo dobrar a participación
Por Diego Espiño |