Pablo Quintana, novo campión de España de squash sub-17
Por Redacción
Ten só 15 anos pero segue queimando etapas na súa formación de maneira vertixinosa. Así, Pablo Quintana converteuse a pesar da súa idade en campión de España sub-17 de squash.
O deportista do Squash Pontevedra protagonizou un campionato inmaculado en Palencia para facerse cun novo título nacional, tras o logrado hai dous anos en sub-15.
Quintana superou en primeira rolda ao vigués Andrés Vázquez, despois ao canario Iván Pérez e ao catalán Pablo Dolz para acceder á final sen ceder unha soa manga.
No encontro polo título esperáballe o tamén catalán Cristian Romero, nun partido no que o seu rival empezou mellor anotándose o primeiro set (4-11), pero o pontevedrés mantívose firme e conseguiu remontar para facerse co campionato (11-5, 11-9 e 11-9).
Con este resultado Pablo Quintana clasifícase ademais pata o Campionato de Europa que se celebrará do 5 ao 8 de maio en Hasselt, Bélxica.
No Campionato de España sub-17 tamén participou Gonzalo Romero, concluíndo nunha meritoria sexta praza tras caer en cuartos de final co catalán Dolz en catro mangas.
CAMPIONATO DE ESPAÑA ABSOLUTO
O próximo reto para o Squash Pontevedra sitúase agora no Campionato de España Absoluto que se celebrará a próxima fin de semana en Madrid. Alí estarán, representando ao club pontevedrés, Xisela Aranda, Sergio Fernández e Juan Simal.
Relacionadas:
-
O Squash Pontevedra inicia a tempada con boa nota
Por Redacción |
-
Xisela Aranda revalida un ano máis o seu título de campioa de España de Squash
Por Redacción |
-
O Squash Pontevedra, en forma para o Campionato de España
Por Redacción |
-
Xisela Aranda arrinca o ano con nota en Suíza
Por Redacción |
-
Dobre medalla para o Squash Pontevedra na Copa de España Sub-17
Por Redacción |