O Squash Pontevedra inicia a tempada con boa nota
Por Redacción
Se hai uns días Pablo Quintana arrincou a tempada cun bronce no Campionato de España de squash celebrado en Palencia, o seu club non quedou atrás na súa primeira gran competición do ano, o Campionato Galego Sub-11, Sub-15 e Sub-19.
En Santiago de Compostela o club pontevedrés foi un dos grandes protagonistas coleccionando medallas nas diferentes categorías.
O propio Pablo Quintana proclamouse campión autonómico Sub-19 ao vencer na final ao tamén pontevedrés Gonzalo Romero, por tres sets a cero. Na mesma categoría Sergio Puga obtivo a sétima praza. Pola súa banda, tamén en idade Sub-19, Silvia Nogueira alcanzou a cuarta posición final.
Tamén houbo medallas na menor das idades, a Sub-11, con final pontevedresa en categoría masculina entre Iago González e Pablo Caínzos, decantándose en favor do primeiro por tres sets a cero, mentres que Ángel Centeno foi sexto, Antonio Rey sétimo e Luís Centeno oitavo.
Completaron a representación do Squash Pontevedra, en Sub-15, Pepe Campos (décimo), Miguel Jiménez (undécimo), Pablo Martín (duodécimo) e Andrés Vázquez, que se retirou por lesión cando loitaba pola quinta praza.
Relacionadas:
-
Pablo Quintana colabora no histórico Europeo Sub-19 da Selección Española de Squash
Por Redacción |
-
Gloria nacional para a canteira do Squash Pontevedra en Valencia
Por Redacción |
-
Xisela Aranda revalida un ano máis o seu título de campioa de España de Squash
Por Redacción |
-
Pablo Quintana, novo campión de España de squash sub-17
Por Redacción |