Paso atrás do Ribadumia que cae vítima do antifútbol na súa visita ao pechacancelas Bergantiños (2-1)
Por Redacción
Paso atrás do Ribadumia nas Eiroas. Os aurinegros caeron derrotados despois de seis xornadas con resultados positivos lonxe do seu feudo, e fixérono no campo do pechacancelas Bergantiños, deixando escapar a oportunidade de poñer terra polo medio cos postos de descenso e quedan agora na posición na que un posible arrastre dalgún galego de Segunda B levaríalles á Rexional Preferente.
Certo que para o equipo local tratábase dunha autentica final. O Bergantiños chegaba ao partido encadeando catro derrotas consecutivas e obrigado a sumar os tres puntos. Iso fíxolle saltar ao campo con máis intensidade e as malas condicións do terreo de xogo, duro, irregular e con forte vento, ocupáronse do resto, sendo as causas principais da derrota dos de Sierra, que non dispoñen de homes que sentan a gusto nun estilo de xogo físico e directo como o que expón sempre no seu campo o cadro de Carballo.
Comezou mellor o Ribadumia, que puido adiantarse no marcador, pero non acertou nas poucas xogadas claras de perigo que se crearon, ata que pasado o primeiro cuarto de hora chegaba unha das xogadas crave cando Óscar Río comete un penalti moi protestado polos visitantes, ao estimar que o lateral aurinegro tocara balón. Para máis desgraza, o mesmo Óscar Río resultou lesionado na acción, debendo ser substituído, co temor dunha importante lesión de xeonllo.
Álex Pérez, transformaba o máximo castigo e a partir de aí comezaba un partido marcado polas constantes interrupcións, balóns que non volvían ao campo, perdas de tempo e todo tipo de argucias do equipo local, coa finalidade de que se xogase o menos posible.
Para terminar de complicar o panorama, nada máis comezar a segunda parte (minuto 46), un erro despexe de Javi Sánchez deixa o balón no medio campo e Roberto Piñeiro, ao ver ao meta descolocado, eleva de volea marcando o 2-0.
O Ribadumia tentou irse arriba e conseguiu reducir distancias pronto (minuto 52), cando Mou remata de cabeza un corner lanzado por Jorge Fajardo.
O que seguiu ata o final foi de todo menos futbol. O Bergantiños dedicouse a destruír para asegurar unha vitoria vital para eles, e o Ribadumia tivo varios achegamentos, pero como adoita suceder en escenarios como As Eiroas, con máis ruído que efectividade ou posibilidades reais de crear perigo e lograr polo menos a igualada.
Consulta aquí o acta do partido.
Relacionadas:
-
Tres puntos de ouro para o Ribadumia que asalta o Baltasar Pujales (1-2)
Por Redacción |
-
O Ribadumia déixase remontar para terminar rescatando un punto fronte ao Barco (2-2)
Por Redacción |
-
O Ribadumia entrega na Senra o que recolle a domicilio e deixa os puntos ante o Deportivo B (1-2)
Por Redacción |
-
Badalada do Ribadumia en Cerceda (1-2)
Por Redacción |
-
Sorteados os emparellamentos da Copa Deputación de fútbol
Por Redacción |