Atlético Novás sofre para impoñerse a Balonmán.com (29-25) e Poio Artai cede fronte á S.A.R. (21-28)
Por Redacción
Sorprendeu o Balonmán.com nos primeiros compases a un Atletico Novás ao que lle custou entrar no partido. Os de Pedro Pérez cobraron vantaxe, chegando a dominar o marcador cunha máxima vantaxe de catro goles (1-5, minuto 8), pero o técnico local pediu un oportuno tempo morto e conseguiu cambiar a dinámica do choque.
Nos sete minutos seguintes os do Rosal fixeron un parcial de 7-1 para chegar ao ecuador do primeiro tempo xa por diante (8-6). Pedro Pérez tentou tamén parar o partido con outro tempo morto, e aínda que o conseguiu por uns minutos, Atlético Novás xa non se permitiría máis alegrías, aínda que non deixaría de sufrir para impoñer a súa superioridade.
O resultado ao descanso seguía sendo apertado (13-12) e non sería ata mediada a segunda metade cando os locais lograron unha pequena vantaxe de catro goles, que conseguiron administrar para chegar ao final gañando (29-25), pero con máis dificultades das previstas.
Consulta aquí o acta do partido.
TAMPOUCO ANTE A S.A.R. PODE ESTREARSE O POIO ARTAI
Mesmos pecados, parecida penitencia. Parcial de 0-4 de saída e un duro 2-8 aos 15 minutos de partido. Poio Artai viuse sorprendido nos primeiros compases do seu partido fronte á S.A.R. de Redondela, na Seca e cando quixo reaccionar faltáronlle argumentos.
Aguantou a non demasiada distancia ata o descanso (10-14), e mesmo Poio Artai chegou a poñerse a só dous goles de distancia (12-14, minuto 34), pero ata aí chegou a súa resistencia. A S.A.R. pisou o acelerador e cun parcial de 1-6 sentenciou o partido (13-20, minuto 42).
Desde ese momento, os visitantes aguantaron sen dificultades o intercambio de goles, para terminar vencendo por un claro 21-28.
Consulta aquí o acta do partido.
Relacionadas:
-
Balonmán.com non pode co líder Calvo Xiria (23-30) e Poio Artai tampouco se estrea en Lavadores (30-23)
Por Redacción |
-
Balonmán.com certifica a permanencia á conta de BM Artabro (32-36) e Poio Artai cae ante BM Porriño (19-24)
Por Redacción |
-
Balonmán.com gaña nun final de infarto a Granitos Ibéricos (27-26) e O.A.R. supera sen apuros a Poio Artai (34-26)
Por Redacción |
-
Balonmán.com cura feridas á conta dun Poio Artai que xustifica a súa traxectoria (38-22)
Por Redacción |
-
BM Lalín non perdoa a Balonmán.com (36-26) e Poio Artai cede ante o líder Chapela (19-32)
Por Redacción |
-
Contundentes derrotas de Balonmán.com ante Seis do Nadal (22-35) e Poio Artai fronte a Luceros (31-19)
Por Redacción |