Os favoritos non fallan na final do World Padel Tour disputada en Vilagarcía
Por Redacción
Non fallaron os favoritos no Open de Galicia de pádel cuxa fase final celebrouse esta fin de semana no pavillón de Fexdega (Vilagarcía de Arousa). A parella formada por Fernando Belasteguín e Pablo Lima, números 1 do ranking mundial, proclamáronse campións do torneo, sen ceder nin un só set, ante as preto de 2.500 persoas que encheron as bancadas do recinto da capital arousá.
Fernando Belasteguín e Pablo Lima, aínda que non coa autoridade de enfrontamentos previos do circuíto, ampliaron a súa condición de parella invicta ata a data. Aínda así, con esta leve e aparente sensación de que alguén no circuíto profesional masculino poida vencerlles, marchan de terras galegas sen perder un só set e xa van seis torneos así.
Á final chegaba de novo Juan Martín Díaz e un Maxi Sánchez con problemas nas costas que estivo durante todo o partido atendido polo fisioterapeuta Jordi Ribas en cada cambio de lado da pista. Cuarta final entre estas dúas parellas e todas elas con idéntico resultado, vitoria para Bela e Lima.
O partido, sen ter grandes doses de emoción, si que tivo xogadas espectaculares dun e outro lado. A man máxica de Juan Martín chocaba semente coa solidez dos seus rivais que gañaron por un dobre 6-4 e manteñen o seu reinado nunha Vilagarcía rendida ao pádel.
Pola súa banda, o triunfo na proba feminina foi para as xemelgas Mapi e Majo Alayeto, que levan gañados seis torneos na presente tempada, cinco deles de maneira consecutiva e só se deixaron dúas polo camiño. Uns números dificilmente igualables neste circuíto de mulleres.
Á final de Vilagarcía de Arousa viñan cunha traxectoria impecable dentro do torneo, coa mentalidade adecuada e coa súa mirada posta no seu obxectivo, terminar o ano como números uno.
Fronte a elas Paty Llaguno e Eli Amatriain que non foron tan guerreiras como en anteriores enfrontamentos e non conseguiron poñer en maiores apuros ás xemelgas. Cun só break en cada set, Mapi e Majo conseguiron levar a final deste Open de Galicia.
Relacionadas:
-
A Coruña arrebata a Vilagarcía a proba galega do World Padel Tour
Por Redacción |
-
Fexdega vibra co inicio da fase final do Open Galicia World Padel Tour
Por Redacción |
-
Alto ritmo na venda de entradas para o torneo do World Padel Tour
Por Redacción |
-
O World Padel Tour pon á venda as entradas para o torneo que se celebrará en Vilagarcía
Por Redacción |