Vitoria e liderado para o Arosa (0-2) no Barco
Por Redacción
Arosa SC e CD Barco libraron un partido entre dous equipos chamados a estar na parte alta da clasificación ao final da tempada. Os arlequinados levaron os tres puntos do campo de Calabagueiros grazas aos goles de Hugo Soto e Sylla.
A primeira parte foi moi disputada co equipo de Javi Rey tomando a dianteira na posesión pero sen chegar a crear moito perigo. O Arousa adiantouse no marcador na segunda chegada clara dos arlequinados. Fallo dun defensa local no despexe, Hugo Soto recolle o balón e dispara batendo a Macía.
Con anterioridade os de Piscis tiveran outra clara nun man a man de Hugo Soto que desbaratou brillantemente o porteiro local. Os de Valdeorras non se resignaron e probaron sorte de lonxe, con dous disparos de Mitogo e Rubén García.
Na segunda parte o Barco foi a por o partido mentres que os de Pisces esperaban o erro dos locais na creación do xogo para saír ao ataque.
Os arlequinados aumentarían distancias no marcador, sentenciando o resultado mediada a segunda parte cun gol de Sylla, tras un centro de Eloy ao segundo pau. Os de Valdeorras seguírono tentando, con todo a seriedade defensiva dos arlequinados non deu opción aos de Javi Rey, que ademais acabou expulsado. Mesmo Fran Fandiño puido facer o terceiro no desconto, pero mandou o balón fóra.
Con este resultado o conxunto arosista sitúase líder, cos mesmos puntos pero mellor coeficiente que Barbadás e Rápido de Bouzas.
Relacionadas:
-
O Arosa encaixa a súa primeira derrota e cede o liderado ao Barbadás (2-0)
Por Redacción |
-
Rubén Martínez decide o derbi para o Arosa (1-0) nos últimos minutos
Por Redacción |
-
Sylla rescata un punto para o Arosa (1-1) ante o Bergantiños
Por Redacción |
-
O Arosa remonta por dúas veces para rabuñar un valioso punto ao Deportivo B (2-2) en Abegondo
Por Redacción |
-
Un gol de Sylla dá os tres primeiros puntos ao Arosa (1-0) ante un bo Cerceda
Por Redacción |