Os piragüistas pontevedreses, a polo Mundial de Maratón en Hungría
Por Redacción
Cita importante para o piragüismo pontevedrés na localidade húngara de Gyor, onde se celebrará durante a próxima fin de semana (11, 12 e 13 de setembro) o Campionato do Mundo de Maratón.
Os padexeiros pontevedreses parten unha vez máis entre a terna de favoritos en varias das categorías absolutas.
É o caso de Óscar Graña e Ramón Ferro (Kayak Tudense), actuais subcampions europeos e que acumulan medallas internacionais. O seu obxectivo será de novo subir ao podio nunha proba de 26 quilómetros con seis porteos que se disputará o domingo ás 11:30 horas.
Entre os seus rivais destaca Tono Campos (Breogán do Grove), que competirá no seu duodécimo mundial na canoa dobre xunto a José Manuel Sánchez (Club Náutico Betanzos) e tamén na modalidade individual, o sábado ás 11:30 horas.
En kaiak o pontevedrés Álvaro Fernández Fiuza parte con opcións no K-2, onde forma parella co asturiano Walter Bouzán (domingo 14:30 horas) nunha proba na que afrontarán 30 quilómetros de percorrido e sete porteos.
Tamén competirán en Hungría Raquel Rodríguez (Escola Piragüismo Ciudad de Pontevedra) en C-1 sénior e Damián González (Piragüismo Verducido) en C-1 sub-23.
Relacionadas:
-
Óscar Graña e Ramón Ferro, medalla de prata no Campionato do Mundo de Piragüismo Maratón de Gyor
Por Redacción | Creada e actualizada
-
Tono Campos, subcampión do Mundo de piragüismo maratón en Hungría
Por Redacción |
-
Óscar Graña e Ramón Ferro, prata no Europeo de piragüismo maratón; Fiuza, bronce
Por Redacción |
-
O pontevedrés Damián González roza as medallas no Europeo de piragüismo maratón
Por Redacción |
-
De Pontevedra a Eslovenia para tomar o relevo do Europeo de piragüismo maratón de 2016
Por Redacción |